ശിവപാർവതി [മാലാഖയുടെ കാമുകൻ] 1847

കോയമ്പത്തൂർ ബസ് മുൻപോട്ടു നീങ്ങി പോകുന്നു.. 

ഒന്നും നോക്കിയില്ല ചാടി കയറി കൈ കാണിച്ചു.. നേരെ കോയമ്പത്തൂരിന് ടിക്കറ്റ് എടുത്തു.. 

എന്റെ ബൈക്ക് കൊച്ചി കാവസാക്കി സർവീസ് സെന്ററിൽ ഉണ്ട് എന്ന കാര്യം എനിക്ക് ഓർമ വന്നു.. 

കൊടുത്തിട്ടു രണ്ടു മാസം കഴിഞ്ഞു. കൊണ്ട് പോകാൻപറഞ്ഞിട്ടു ഇതുവരെ പോയിട്ടില്ല.. 

നേരെ കൊച്ചിക്കു വിട്ടാൽ ബൈക്കും എടുത്തു നേരെ കോട്ടയം പോകാം.. 

രാവിലെ ആയപ്പോൾ കോയമ്പത്തൂർ എത്തി.. 

അവിടെ നിന്നും ഭക്ഷണം കഴിച്ചു ഡ്രസ്സ് മാറി ഒരു ടാക്സി പിടിച്ചു.. കൊച്ചിക്ക്.. 

“നല്ല സ്പീഡിൽ പോകണം…” 

അയാൾ സമ്മതിച്ചു.. വന്നപോലെ എളുപ്പം അല്ല തിരിച്ചു പോകാൻ.. 

പാലക്കാട്.. എത്തി അവിടെ നിന്നും കൊച്ചി.. ഏകദേശം നാല് മണിക്കൂർ എടുത്തു.. 

കൊച്ചി ഇറങ്ങി ആദ്യം ഒരു തുണിക്കടയിൽ കയറി. ഒരു ജീൻസ്, ഷൂസ്, ഫുൾ സ്ലീവ് ബനിയൻ ഒക്കെ വാങ്ങി.. നേരെ കാവസാക്കി സർവീസ് സെന്ററിൽ പോയി.. 

ബൈക്ക് എടുത്തു.. അവിടെ നിന്നും ഒരു ഹെൽമെറ്റ് കൂടി വാങ്ങേണ്ടി വന്നു.. 

ഡ്രെസ്സൊക്കെ മാറി ബാക്കി എല്ലാം ബാക് പാക്കിൽ ആക്കി.. 

നേരെ കോട്ടയം.. 

നല്ല സ്പീഡിൽ ആണ് വണ്ടി വിട്ടത്.. 

ആക്സിലറേറ്റർ കൊടുത്താൽ പാഞ്ഞു പോകുന്ന ഒരു പെൺപുലി ആണ് എന്റെ വണ്ടി.. അവൾക്ക് അതൊരു ഹരം ആണെന്ന് എനിക്ക് തോന്നി.. 

തന്റെ യജമാനൻ എന്താണ് ഇന്ന് എന്നെ നല്ല സ്പീഡിൽ ഓടിക്കുന്നത് എന്ന് അവൾ ചിന്തിച്ചു.. ആരെയോ കാണാൻ പോകുകയായിരിക്കാം.. 

എന്നെ ഇവിടെ കൊണ്ടുവന്നു ഇട്ടിട്ടു ഒന്ന് തിരിഞ്ഞു നോക്കാത്ത ആൾ ആണ്.. 

ഇന്ന് തേടി വന്നു.. എന്നാൽ എന്റെ കഴിവ് കാണിച്ചു കൊടുത്തേക്കാം എന്ന് അവൾ ചിന്തിച്ചു.. 

മുരണ്ടു കൊണ്ട് അവൾ ഫ്രന്റ് ടയർ ഓരോ ഗിയർ മാറ്റുമ്പോഴും അല്പം പൊക്കി ചാടി അവൾ വെടിച്ചില്ലു പോലെ പാഞ്ഞു അവളുടെ ശക്തി കാണിച്ചു കൊണ്ടിരുന്നു… സന്തോഷം ആയിരുന്നു അവൾക്ക്… 

വഴിയിൽ ഒക്കെ സ്പീഡ് ലിമിറ് ഉണ്ട്. ക്യാമെറയിൽ പതിയും എന്നാലും ഞാൻ സ്പീഡ് കുറച്ചില്ല..