ശിവപാർവതി [മാലാഖയുടെ കാമുകൻ] 1847

കുറച്ചു ദിവസങ്ങൾ കടന്നു പോയി.. ഞാൻ സാധാരണ ജീവിതത്തിലേക്ക് തിരിച്ചു വന്നു.. 

ഒരു ദിവസം ബാങ്കിൽ ഇരിക്കുമ്പോൾ മാനേജർ എന്നെ വിളിച്ചു. 

രണ്ടു പേര് വരുന്നുണ്ട്.. ലോൺ ആണ്.. അത് നടക്കുമോ എന്നൊന്നും അറിയില്ല.. നീ ഒന്ന് മാനേജ് ചെയ്യ് എന്ന് പറഞ്ഞു.. 

ഇയാൾ ഇതെന്തിനാണ് എന്റെ തലയിൽ ഇടുന്നത്.. 

ലോൺ അപ്പ്രൂവ് ചെയ്യേണ്ടത് ആയാൾ  തന്നെ ആണ്. ബാക്കി കാര്യങ്ങൾ ആണ് ഞാൻ നോക്കേണ്ടത്.. 

ഡോർ തുറന്നു ആദ്യം ഒരു 45-48 വയസുള്ള ഒരു സ്ത്രീ ആണ് വന്നത്.. നല്ല ഐശ്വര്യം തുളുമ്പുന്ന മുഖം.. അതിന്റെ പുറകെ കയറി വന്ന ഇളം നീല ചുരിദാറുകാരി എന്നെ ഞെട്ടിച്ചു.. 

അവൾ.. പാർവതി.. 

എനിക്ക് സന്തോഷം അല്ല വന്നത്.. പരിഭ്രമം ആണ്.. എനിക്ക് അവിടെ നിന്നും ഇറങ്ങി ഓടാൻ തോന്നി… 

കർത്താവെ ശക്തി തരണേ എന്ന് ഞാൻ മനസ്സിൽ പ്രാർത്ഥിച്ചു.. 

അവളുടെ കണ്ണുകളെ നേരിടാൻ കഴിയാതെ ഞാൻ തല കുനിച്ചു പോയോ? 

അവൾ എന്ന കണ്ടു സംശയത്തോടെ ഒന്ന് നോക്കി… ദൈവമേ… ദേഹം വിറക്കുന്നു.. 

ഇത് പാർവതി ദേവി നേരിട്ടു വന്നതാണോ? എന്റെ തൊണ്ട വരണ്ടു.. 

“ഇരിക്കൂ…” 

ഞാൻ മെല്ലെ പറഞ്ഞു.. 

“സാർ.. ഒരു..” 

“സാർ എന്നൊന്നും വിളിക്കണ്ട… , എന്റെ പേര് ജെറി എന്നാണ്..” 

ഞാൻ പുഞ്ചിരിച്ചു കൊണ്ട് പറഞ്ഞു.. 

അവർ ഒന്ന് ചിരിച്ചു. 

അവൾ ഒരു വ്യത്യാസവും ഇല്ലാതെ അവിടെ ഇരുന്നു..