ശിവപാർവതി [മാലാഖയുടെ കാമുകൻ] 1852

ഞാൻ വണ്ടി എടുത്തു ടൗണിലേക്ക് വിട്ടു.. 

ശരീരം അനങ്ങിയത് ആണ്.. 

ഞാൻ എന്റെ വേറൊരു ഫ്രെണ്ടിനെയും കൂട്ടി ബാറിൽ പോയി.. അവിടെ ഇരുന്നു ഞങ്ങൾ കുറച്ചു റം അടിച്ചു..  

ഒപ്പം ബീഫ് ഫ്രൈയും പൊറോട്ടയും പിന്നെ കുറച്ചു കോഴി പൊരിച്ചതും കഴിച്ചു അവിടെ ഇരുന്നു വർത്തമാനം പറഞ്ഞു.. 

കുറെ നേരം കഴിഞ്ഞപ്പോൾ ആണ് ആനി വിളിക്കുന്നത്.. 

“ഞങ്ങൾ ടൗണിൽ ഉണ്ട്.. എവിടെയാണ്?” 

“ഞാൻ ബാറിൽ ആണ്.. “

“ഓഹോ ഇതിനിടയിൽ അങ്ങോട്ടു പോയോ? ഞങ്ങൾ തുണിക്കടയിൽ ഉണ്ട്..” 

അല്ലെങ്കിലും ആണുങ്ങൾ ബാറിൽ പോകുമ്പോൾ പെണ്ണുങ്ങൾ തുണിക്കടയിൽ പോകും.. അതാണല്ലോ പതിവ്… 

“ആഹാ ശരി..” 

“എന്ത് ശരി എന്ന്? ഈ പെണ്ണിനെ കൊണ്ട് വിടേണ്ട?” 

“നീ എങ്ങനെയാ ടൗണിൽ വന്നേ?” 

“കാറിൽ…” 

“അതിൽ തന്നെ അങ്ങ് കൊണ്ട് വിട്ടാൽ മതി.. വച്ചിട്ട് പോ ശവമേ..” 

ഞാൻ ഫോൺ കട്ട് ആക്കി..

 ഉടനെ ഒരു മെസേജ് വന്നു.

“പോടാ പട്ടി..” എന്ന്..

 അതിൽ കൂടുതൽ പ്രതീക്ഷിച്ച എനിക്ക് എന്ത് കാര്യം? 

സന്ധ്യ ആയപ്പോൾ ഞാൻ വീട്ടിലേക്ക് വന്നു.. ബൈക്ക് എടുത്തില്ല കേട്ടോ.. ഓട്ടോ വിളിച്ചു.