ശിവപാർവതി [മാലാഖയുടെ കാമുകൻ] 1852

“ആണെങ്കിലും അതിൽ കാര്യം ഒന്നും ഇല്ല.. അവൾക്ക് വേറെ ആരോ ഉണ്ട്…” 

ഞാൻ അത് പറഞ്ഞു ചിരിച്ചപ്പോൾ ആനിയുടെ മുഖം ഒരു നിമിഷം മ്ലാനം ആയി.. 

*** 

അവളുടെ ഡാൻസ് സ്കൂൾ ഉദ്ഘടനം നന്നായി നടന്നു… അവൾ ഒത്തിരി നന്ദി പറഞ്ഞപ്പോൾ എനിക്ക് വല്ലാതെ അസ്വസ്ഥത തോന്നി.. 

*** 

ഒരാഴ്ച കഴിഞ്ഞപ്പോൾ ഞാൻ ഒന്ന് അവിടം വരെ പോയി.. അവൾക്ക് കുറച്ചു കുട്ടികളെ കിട്ടിയിട്ടുണ്ട്.. ഞാൻ ചെന്നപ്പോൾ അവൾ അടക്കാൻ തുടങ്ങുകയായിരുന്നു.. 

“ടീച്ചറെ.. എന്തൊക്കെ ഉണ്ട് വിശേഷം….” 

“സുഖം ആയി പോകുന്നു സാറെ…” 

അവൾ ചിരിച്ചു കൊണ്ട് പറഞ്ഞു.. 

“സാറോ?” 

“ങേ എന്താ ടീച്ചറോ?” 

“ഓഹോ ആക്കിയതാണല്ലേ?” 

“ഏയ് ഞാൻ അങ്ങനെ ചെയ്യുമോ? ശ്രീക്കുട്ടി എന്നൊരു പേര് ഉണ്ടല്ലോ എനിക്ക്….” 

“അതിനു നിന്നെ കണ്ടാൽ കുട്ടി ആയി തോന്നുന്നില്ല… അതാ….” 

“ഓഹോ.. അപ്പോൾ എന്തായിട്ടാണ് തോന്നുന്നത്?” 

“ദേവി…” 

അവൾ ഒന്ന് നിശബ്ദം ആയി.. കണ്ണുകൾ പിടച്ചു… 

“ദേവിയോ?” 

അവൾ അവിശ്വാസത്തോടെ ചോദിച്ചു…