✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

അവൻ പോലുമറിയാതെ അവന്റെ കൈകാലുകൾ ബൈക്കിന്റെ ബ്രേക്കിൽ അമർന്നു , ബൈക്കിൽ നിന്ന് ചാടിയിറങ്ങി അവൻ ആ ശബ്ദം കേട്ട ഭാഗത്തേയ്ക്ക് വേഗത്തിൽ ഓടി ….

ഒടുവിൽ അവൻ എത്തിപ്പെട്ടത് ഒരു നദിക്കരയിലാണ് …. മുന്നിലായി കരഞ്ഞ് സങ്കടപ്പെട്ട് നിൽക്കുന്ന മൂന്ന് പേർ ഒപ്പം വെള്ളത്തിൽ മുങ്ങിത്താഴുന്ന ഒരു യുവതിയുടെ രൂപവും …. അവൻ പോലുമറിയാതെ അവന്റെ ശരീരം വേഗത്തിൽ ആ നദിയിലേയ്ക്ക് എടുത്ത് ചാടി , അതും അവന്റെ ശരീരത്തെ മറ്റേതോ ഒരു ശക്തി നിയന്ത്രിക്കുന്നത് പോലെ …..

പെട്ടെന്ന് …..

ശ്വാസം കിട്ടാതെ പിടയുന്നത് പോലെ തോന്നിയതും ആദി ഒരു ഞെട്ടലോടെ ഉറക്കത്തിൽ നിന്നുണർന്ന് ബെഡിൽ വേഗമെണീറ്റിരുന്നു അതും ഒരു തരം പരവേശത്തോടെ .

അവൻ വല്ലാതെ കിതയ്ക്കുന്നുണ്ടായിരുന്നു . ബെഡ് സ്വിച്ച് ഇട്ട് റൂമിൽ ലൈറ്റ് തെളിയിച്ച ശേഷം ബെഡിനോട് ചേർന്ന് ടേബിളിന് പുറത്തായി ഗ്ലാസ്സിൽ അടയച്ച് വച്ചിരുന്ന വെള്ളം അവൻ വേഗം കുടിച്ചിറക്കി …

” ഇതിപ്പൊ എന്താ ഇങ്ങനെ ഒരു സ്വപ്നം കാണാൻ , അതും മണിക്കൂറുകൾക്ക് മുമ്പ് തന്റെ ജീവിതത്തിൽ സംഭവിച്ച് കഴിഞ്ഞ കാര്യങ്ങൾ വീണ്ടും അതേ പോലെ ആവർത്തിച്ച് സ്വപ്നത്തിൽ കാണാൻ …. ”

അവൻ സംശയത്തോടെ സ്വയം ചിന്തിച്ചു കൊണ്ട് ബെഡിൽ നിന്നിറങ്ങി ശേഷം ബാഗിന്റെ മുന്നിലെ ചെറിയ ഒരു അറ തുറന്ന് അതിൽ നിന്ന് ആ പട്ട് തുണി കയ്യിലെടുത്തു . എന്നിട്ട് അത്
തുറന്ന് ആ ചെമ്പ് തകിടിലേക്ക് തന്നെ അൽപ്പനേരം നോക്കി നിന്നു …