✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

” താനവിടെ നിൽക്ക ….. ”

ഒരു പുഞ്ചിരിയോടെ പറഞ്ഞ ശേഷം അയാൾ തിരികെ അകത്തേയ്ക്ക് നടന്നു …

” എന്താടാ ? ”

” ആ എനിക്കെങ്ങനെ അറിയാം …. ”

ആദി രുദ്രനോട് പറഞ്ഞു …

അൽപ്പ സമയം കഴിഞ്ഞതും അയാൾ തിരികെ പുറത്തേയ്ക്ക് വന്നു …

” കൈ നീട്ടുക …. ”

അയാൾ പറഞ്ഞതും രുദ്രന്റെ മുഖത്തേക്ക് ഒന്ന് പാളി നോക്കിയ ശേഷം ആദി അയാൾക്ക് നേരെ കൈ നീട്ടി , ഉടനെ തന്നെ ആ പൂജാരി അവന്റെ ഉള്ളം കയ്യിലേക്ക് എന്തോ വച്ച ശേഷം അവനെ നോക്കി ഒന്ന് പുഞ്ചിരിച്ചു . അവനാകട്ടെ ഒന്നും മനസ്സിലാകാത്ത മട്ടിൽ തന്റെ കയ്യിലേയ്ക്ക് നോക്കി …

പഴയ രീതിയിലുള്ള ഒരു താക്കോൽ കൂട്ടമായിരുന്നു അത് , ഒപ്പം താൻ അയാൾക്ക് നൽകിയ ആ ചെമ്പ് തകിട് അതിൽ കോർത്തിട്ടുമുണ്ട് ….

” ഇതെന്താ …. ? ഇത് എനിക്കെന്തിനാ തന്നേ ? ”

അവൻ സംശയത്തോടെ ചോദിച്ചു …..

” നിന്നിലേക്ക് ഒരു നാൾ വന്ന് ചേരേണ്ടിയിരുന്ന ഒന്ന് തന്നെ . അതിൽ കൂടുതൽ ഞാനൊന്നും പറയില്ല , എനിക്കറിയില്ല …. സംശയിക്കേണ്ട , കാലം നിന്നെ എത്തേണ്ടയിടത്ത് ഒരു നാൾ എത്തിക്കും അന്ന് നിനക്കിതിന്റെ പൊരുൾ മനസ്സിലാകും , അതിനിനി അധികം താമസമില്ല . പൊയ്ക്കോ .

‘ നിനക്ക് നീയേ തുണ , മറ്റൊരാൾക്ക് നീ മാത്രം തുണ . ‘
”

ഒരു പുഞ്ചിരിയോടെ അയാളത്രയും പറഞ്ഞു കൊണ്ട് കൈ നീട്ടി അവനെ അനുഗ്രഹിച്ചു ശേഷം അയാൾ ഉള്ളിലേയ്ക്ക് കയറി പോയി ….