✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

” ഐ ആം ഫൈൻ ….. ”

ദക്ഷ ഒരു പുഞ്ചിരിയോടെ മറുപടി നൽകി ….

” അവന്തിക വന്നിട്ട് ഒരു പാട് നേരമായോ …. ? ”

” ഇല്ല ചേച്ചി ഒരു പത്ത് മിനിട്ട് …. വെളുപ്പിലെ ആയിരുന്നു ട്രെയിൻ , സ്റ്റേഷനിൽ ചേട്ടൻ വന്നു അതുകൊണ്ട് വൈകാതെ ഉടനെ ഇവിടെ എത്തി …. ഉറക്കം ഡിസ്റ്റർബ് ചെയ്തതിന് സോറി , ഞാനിതൊക്കെ മാറി ഒന്ന് ഫ്രഷാവട്ടെ എന്നിട്ട് വേണം വല്ലതും അകത്തേയ്ക്ക് തട്ടാൻ . ട്രെയിനിലെ ഫുഡ് ശരിയല്ല , വയറ് കേടാവാത്തത് എന്റെ ഭാഗ്യം …. കാണാം ട്ടോ ….. ”

അവന്തിക അത്രയും പറഞ്ഞ് തിരികെ തന്റെ റൂമിലേയ്ക്ക് തിരിച്ചു …..

                    ……………………..

” ആദീ ….. ആദ ….. എന്താ എന്താടാ ഒരു മൂഡോഫ് പോലെ …..? ”

റൂമിലേയ്ക്ക് കയറി വന്ന രുദ്രൻ കണ്ടത് എന്തോ ചിന്തിച്ചിരിക്കുന്ന ആദിത്യനെയായിരുന്നു ….

” എന്താടാ ഉറക്കം ശരിയായില്ലേ ….. ? ”

” ഏയ് ഒന്നൂല്ല ടാ വെറുതെ ….. ”

ആദി ഒരു പുഞ്ചിരിയോടെ മറുപടി നൽകി ….

” ഏയ് അത് നുണ …. ഒന്നുമല്ലെങ്കിലും മൂന്ന് നാല് വർഷം നിന്റെ ഒപ്പം നിഴൽ പോലെ ഉണ്ടായിരുന്നതല്ലേ ഞാൻ , വർഷം നാലഞ്ച് കഴിഞ്ഞെങ്കിലും നീ ആ പഴയ ആദി തന്നെയാ …. എന്താടാ നീ കാര്യം പറ , പരിഹരിക്കാൻ കഴിയുമെന്നാണെങ്കിൽ നമുക്ക് നോക്കാന്നേ …. ”

ആദിയുടെ ചുമലിൽ കൈ പിടിച്ചു കൊണ്ട് രുദ്രൻ പറഞ്ഞു ….

” വേറെന്നുമല്ലെടാ …. ഞാനിന്നലെ ഹോസ്പിറ്റലിൽ എത്തിച്ച ആ പെൺകൊച്ചിനെ കുറിച്ച് ഓർത്ത് പോയി …. ഹോസ്പിറ്റലിൽ എത്തിച്ചിട്ട് ഒന്ന് കാണുക പോലും ചെയ്യാതെയാ ഇന്നലെ ഞാൻ അവിടുന്ന് മടങ്ങിയത് .