✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

കാറിനടുത്തേയ്ക്ക് വന്ന ഭാർഗവരാമനോട് ഒരു പുഞ്ചിരിയോടെ അയാൾ പറഞ്ഞു , ശേഷം ആ കാറ് അവിടുന്ന് പതിയെ നീങ്ങി …..

                    ……………………..

” ആ … ആദി വാ …… ”

തന്റെ റൂമിന്റെ ഡോർ തുറന്ന് വന്ന ആദിയെ കണ്ടതും ലാപ് ടോപ്പിൽ നിന്ന് കണ്ണെടുത്തു കൊണ്ട് രുദ്രൻ പറഞ്ഞു , ശേഷം വീണ്ടും അവൻ ലാപ് ടോപ്പിലേയ്ക്ക് തന്നെ ശ്രദ്ധ തിരിച്ചു …

” എന്താണ് നൻപാ പരിപാടി …. ? ”

ആദി ഒരു പുഞ്ചിരിയോടെ ചോദിച്ചു ….

” ഇതൊ , എന്റെ മറ്റൊരു നൻപന് ഒരു മെസ്സേജ് അയക്കുവായിരുന്നു . ഡ്യൂട്ടി സമയത്ത് ഫോൺ വിളിച്ചാൽ അവനെടുക്കില്ല , ഇതാകുമ്പൊ തിരക്ക് ഒഴിഞ്ഞ ശേഷം അവൻ റിപ്ലെ ഇടും …. ”

രുദ്രൻ ഒരു പുഞ്ചിരിയോടെ പറഞ്ഞ ശേഷം ലാപ്പ് മടക്കി വച്ചു ….
അപ്പോഴാണ് റൂമിന് പുറത്ത് നിന്ന് മ്യൂസിക് സിസ്റ്റത്തിൽ നിന്നുള്ള ഒരു പഴയ പാട്ട് അവർ കേട്ടത് ….

” അത് രേണൂന്റെ മുറീന്നാ , ഡാൻസ് പ്രാക്ടീസ് ചെയ്യുവായിരിക്കും …. ”

ആദിയുടെ ചോദ്യഭാവത്തിലുള്ള നോട്ടം കണ്ടതും രുദ്രൻ മറുപടി പറഞ്ഞു ….

” രേണുക സാൻസ് പഠിക്കുന്നുണ്ടോ ടാ ? ”

” മ് , ക്ലാസ്സിക്കൊ മറ്റോ ആണ് . കുറച്ച് ദൂരെ ഒരു ഡാൻസ് അക്കാഡമി ഉണ്ട് അവിടെ പ്രാക്ടീസ് ചെയ്യുന്നുണ്ട് , വേറെ എന്തൊക്കെയോ പഠിക്കുന്നുമുണ്ട് . ഞാനതിലൊന്നിലും ഞാൻ തലയിടാറില്ല …. ”

രുദ്രൻ മറുപടി പറഞ്ഞു ….