✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

തന്നെ ദംശിക്കാനൊരുങ്ങിയ സർപ്പത്തെ അതിന്റെ ഫണത്തിന് താഴെയായി മുറുകെ പിടിച്ച് വച്ചിരിക്കുകയാണ് ആ യുവാവ് ഒപ്പം ആ സർപ്പം അവന്റെ കയ്യെ ചുറ്റിപ്പിണഞ്ഞിട്ടുമുണ്ട് ..
പക്ഷെ അതൊന്നും അവനെ ഭയപ്പെടുത്തുന്നില്ല പകരം മുഖത്ത് ഒരു പുഞ്ചിരി മാത്രം ….

പെട്ടെന്ന് ആ സർപ്പം തല തിരിച്ച് അവന്റെ കൈപ്പത്തിയിൽ ആഞ്ഞ് ദംശിച്ചു , ആ കാഴ്ച കണ്ട് അവൾ ഞെട്ടിത്തരിച്ച് നിന്നു ……

                    ……………………..

തന്റെ റൂമിൽ ബെഡിൽ മയങ്ങിക്കിടക്കുകയായിരുന്ന ദക്ഷ ഒരു ഞെട്ടലോടെ ചാടിയെണീറ്റു …. അവളുടെ ശരീരം അപ്പോഴും ഭയത്താൽ വിറയ്ക്കുന്നുണ്ടായിരുന്നു ഒപ്പം ശരീരമാസകലം വിയർത്ത് കുളിച്ച അവസ്ഥയും …. ഭയത്താൽ വിറയ്ക്കുന്ന തന്റെ കൈകൾ ഉയർത്തി അവൾ വേഗം തന്നെ റൂമിലെ ലൈറ്റ് ഓണാക്കി …. പക്ഷെ അപ്പോഴും ശരീരത്തിലെ വിറയലും മനസ്സിന്റെ പരവേശവും മാറ്റമില്ലാതെ തുടർന്നു ….

ബെഡിൽ കിടന്നുകൊണ്ട് റൂമിനകം മുഴുവൻ പരതിയ അവളുടെ കണ്ണുകൾ ഒടുവിൽ ചെന്ന് പതിച്ചത് മയിൽപ്പീലി ചൂടി നിൽക്കുന്ന ഒരു ചെറിയ ശ്രീകൃഷ്ണ രൂപത്തിലേയ്ക്കാണ് …. അവർ ഉടനെ തന്നെ പുറത്തെ പുതപ്പ് വലിച്ച് മാറ്റി ബെഡിൽ നിന്നിറങ്ങി …..

” എന്തിനാ എന്റെ കണ്ണാ നീ എന്നെ ഇങ്ങനെ ഭയപ്പെടുത്തുന്നെ …. ? ഞാനെന്ത് തെറ്റ് ചെയ്തിട്ടാ ….. നിനക്കിതൊക്കെ തമാശയായിരിക്കും പക്ഷെ എന്റെ ഉള്ളിൽ ഭയമാ പറഞ്ഞറിയിക്കാൻ കഴിയാത്ത അത്രയും ഭയം …. ഇന്ന് എന്റെ മരണത്തിന് തന്നെ കാരണക്കാരനാകേണ്ടിയിരുന്ന ആ സർപ്പം വീണ്ടും സ്വപ്നത്തിൽ വന്ന് എന്നെ ഭയപ്പെടുത്തുകയാ അതിന്റെ കാരണമെന്താ ….? സ്വപ്നത്തിൽ പല തവണ വരുന്നയാൾ ,