✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

എന്തായെന്നോ വീട്ടിലേയ്ക്ക് മടങ്ങിപ്പോയോ അതോ ഇപ്പോഴും ഹോസ്പിറ്റലിലാണോ , അങ്ങനെയൊക്കെ ചിന്തിച്ചപ്പൊ ഒരു കുറ്റബോധം …. ”

ആദി പതിയെ പറഞ്ഞു …..

” അതിന് നീ എന്തിനാ കുറ്റബോധപ്പെടുന്നേ ….. ? നീ ഒന്നും ചെയ്തതല്ലല്ലോ മറിച്ച് രക്ഷിക്കുകയല്ലേ ചെയ്തത് , പിന്നെ അവളുടെ ബന്ധുക്കൾ വന്ന് കണ്ടതിന് ശേഷമല്ലേ നീ അവിടുന്ന് പോന്നത് , ”

” അത് , അവളുടെ ബന്ധുക്കൾ വന്നു പക്ഷെ ഞാനവരെ കാണാൻ നിന്നില്ല …. ”

ആദി ഒരു പരുങ്ങലോടെ പറഞ്ഞു .

” ഏഹ് …. പിന്നെ വന്നത് അവളുടെ ബന്ധുക്കളാണെന്ന് നീ എങ്ങനെയാ മനസ്സിലാക്കിയത് …. ? ”

രുദ്രൻ സംശയത്തോടെ ചോദിച്ചു .

” അത് അവളുടെ ഒപ്പം വേറെ മൂന്ന് സഹോദരങ്ങൾ ഉണ്ടായിരുന്നു എന്ന് ഞാൻ പറഞ്ഞില്ലേ , വന്നവർ അവരോട് സംസാരിക്കുന്നത് ഞാൻ കണ്ടു അങ്ങനെയാ മനസ്സിലാക്കിയേ ….. ”

” എടാ ….. എടാ ….. മരമണ്ടാ സംസാരിച്ചു എന്ന് കരുതി വന്നവർ അവരുടെ ബന്ധുക്കളാകണമെന്നുണ്ടോ , ചിലപ്പൊ വെറുതെ കാര്യം തിരക്കിയതായിക്കൂടേ …. നീ കാണിച്ചത് വലിയ മണ്ടത്തരമായിപ്പോയി …. രക്ഷിച്ചതോ രക്ഷിച്ചു ഒപ്പം ബന്ധുക്കളെ വിളിച്ച് വരുത്തി സുരക്ഷിതമായി ഏൽപ്പിച്ചിട്ട് വേണ്ടേ വരാൻ , അങ്ങനെ ചെയ്തില്ലെങ്കിൽ പിന്നെ നീ രക്ഷിച്ചതിൽ എന്താ അർത്ഥം … അത് മാത്രമല്ല ആ പെണ്ണിന് ബോധം വീണോ , വേറെ പ്രശ്നങ്ങളുണ്ടോ അങ്ങനെ ഒന്നുമറിയില്ല . ഡോക്ടർ വന്ന് കുഴപ്പമില്ല എന്ന് പറഞ്ഞന്നല്ലേ ഉള്ളൂ , അതിന് ശേഷം എന്തെങ്കിലും ആവശ്യം വന്നിട്ടുണ്ടെങ്കിൽ .