✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

പിന്നെ ആ കാറ് മേഴ്സിടെൻസ് ബെൻസ് എന്നല്ലേ നീ പറഞ്ഞത് , ആ ടൈപ്പ് കാറ് ഈ നാട്ടിൽ കുറച്ചേ കാണൂ …. നമുക്ക് നോക്കാം … ഒരാഴ്ച നീ എനിക്ക് താ അതിനുള്ളിൽ നമുക്ക് കണ്ട് പിടിക്കാം …. ”

രുദ്രൻ പുഞ്ചിരിയോടെ പറഞ്ഞു കൊണ്ട് കാറ് സ്റ്റാർട്ട് ചെയ്ത് മുന്നോട്ടെടുത്തു .

                    ……………………..

നന്ദാവനം മന ……

ഒരു പഴയ മോഡൽ കോണ്ടസ കാർ ആ തറവാടിന് മുന്നിൽ പതിയെ വന്ന് നിന്നു , ശേഷം കാറിന്റെ പുറകിലെ ഡോർ തുറന്ന് താടിയും മുടിയുമൊക്കെ നര ബാധിച്ച ഒരു പ്രായം ചെന്നയാൾ പുറത്തേയ്ക്കിറങ്ങി . അയാളുടെ പേര് പാങ്ങോടൻ തിരുമേനി , പാരമ്പര്യമായി ജ്യോതിഷ ശാസ്ത്രത്തിൽ തന്നെ ഉറച്ച് നിൽക്കുന്ന കുടുംബത്തിലെ ഇപ്പോഴത്തെ തലമൂത്തവർ , ഭാർഗവരാമന്റെ കളിക്കൂട്ടുകാരൻ . എല്ലാത്തിനുമുപരി വൈകുണ്ഡ പുരി കൊട്ടാരത്തിലെ ഇപ്പോഴത്തെ തന്ത്രി .

തന്റെ തോളിൽ കിടന്ന മുണ്ട് ശരിയാക്കിയിട്ടു കൊണ്ട് അയാൾ മുന്നോട്ട് നടന്നു , പുറകെ അയാളുടെ സഹായിയായ കണ്ണനെന്ന് വിളിപ്പേരുള്ള ഒരു ചെറുപ്പക്കാരനും …..

അയാൾ വീടിന്റെ ആദ്യ പടിയിൽ കാൽ വച്ചതും തൊടിയിലെ പശു കരഞ്ഞതും ഒരുമിച്ചായിരുന്നു ഒപ്പം എവിടെ നിന്നോ ഒരു പല്ലിയുടെ ശബ്ദവും , അതൊക്കെ കേട്ടതും അയാളുടെ മുഖത്ത് പുഞ്ചിരി നിറഞ്ഞു . അയാൾ അകത്തേയ്ക്ക് കയറി .

” തിരുമേനി , വരിക ….. ”

പുറത്തേയ്ക്ക് വന്ന ശേഖരനും ദേവദത്തനും അദ്ദേഹത്തെ അകത്തേയ്ക്ക് ക്ഷണിച്ചു ….

” സുഖമല്ലേ എല്ലാവർക്കും , ബിസിനസ്സൊക്കെ നന്നായിത്തന്നെ പോകുന്നില്ലേ …. ”

അയാൾ അവരോട് കുശലം തിരക്കി ….