✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

അപ്പോഴേയ്ക്കും പാങ്ങോടന്റെ കൂടെ വന്ന ചെറുപ്പക്കാരൻ പ്രശ്നം വയ്ക്കാനുള്ള ഒരുക്കങ്ങളും മറ്റും ചെയ്ത് കഴിഞ്ഞിരുന്നു …..

അധികം വൈകാതെ പാങ്ങോടൻ കവടി പലകയ്ക്ക് മുന്നിലിരുന്നു . കണ്ണുകളടച്ച് ചില മന്ത്രങ്ങൾ ഉരുവിട്ട ശേഷം പ്രാർത്ഥിച്ചു , എന്നിട്ട് ദക്ഷയുടെ തലക്കുറി ഒന്ന് വായിച്ച് നോക്കി …… കവടിയിൽ നോക്കി പ്രശ്നം വച്ച ശേഷം അയാൾ ഒരു നിമിഷം ഒന്ന് ആലോചിച്ചിരുന്നു ….

” എന്താ പാങ്ങോടാ കവടി പലകയിൽ കാണുന്നത്? ”

ഭാർഗവരാമൻ ആശങ്കയോടെ ചോദിച്ചു ….

” അനിഷ്ട സംഭവങ്ങൾ സംഭവിച്ചതിൽ അൽഭുതപ്പെടണ്ട , കുട്ടിക്ക് ഇപ്പൊ അത്ര നല്ല സമയമല്ല . ശനിയുടെ അപഹാരമുണ്ട് മാത്രമല്ല മൃത്യുദോഷവും കാണുന്നുണ്ട് ….. ”

അയാൾ പറഞ്ഞ് നിർത്തിയതും എല്ലാവരുടെയും മുഖത്തെ സന്തോഷം ഒന്ന് മങ്ങി …..

” തിരുമേനി പ്രതിവിധി എന്തെങ്കിലും …. ? ”

ജയന്തി ഉടനെ തെല്ല് ആശങ്കയോടെ ചോദിച്ചു …

” പ്രതിവിധിയായി മുന്നിൽ കാണുന്നത് ഒന്ന് മാത്രമാ , കാലഭൈരവ ക്ഷേത്ര ദർശനം . സംഹാരരുദ്രനല്ലേ …… ഏത് ദോഷവും മാറ്റിയെഴുതാൻ അദ്ദേഹത്തിന് കഴിയും …. എത്രയും വേഗം , കഴിയുമെങ്കിൽ നാളെത്തന്നെ മോള് ക്ഷേത്ര ദർശനം നടത്തണം ഒപ്പം മൃത്യുഞ്ജയ പൂജയം കഴിപ്പിക്കണം ….. ”

അയാൾ മറുപടി പറഞ്ഞു …..

” പ്രശ്നത്തിൽ കണ്ടത് പറഞ്ഞു എന്നെ ഉള്ളൂ , ആരും ആധി പിടിക്കണ്ട …. ഇവിടേയ്ക്ക് കാലെടുത്ത് വച്ച സമയം കിട്ടിയ ചില സൂചനകൾ , മനസ്സിൽ തോന്നിയത് ഊട്ടി ഉറപ്പിക്കാൻ വേണ്ടി ലഭിച്ച അടയാളങ്ങൾ എല്ലാം കൊണ്ട് ചെന്ന് എത്തിക്കുന്നത് ഒന്നിലേയ്ക്കാ .