✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

<<<<<<<<<<<<<•>>>>>>>>>>>>>

” ഏഹ് … ദക്ഷേച്ചി ഇത് ആ ചേട്ടനല്ലേ …. ? ആ ചേട്ടന്റെ ഫോട്ടോ എങ്ങനെയാ ചേച്ചീടെ ഫോണിൽ …. ? ”

പെട്ടെന്ന് ഒരു ഞെട്ടലോടെ കുഞ്ഞു ചോദിച്ചു …

” ആരാ കുഞ്ഞു ? ”

ദക്ഷയും അനുവും ഒരുപോലെ ചോദിച്ചു പോയി …

” ആ ചേട്ടൻ …. ഇന്ന് ചേച്ചിയെ പുഴയിൽ നിന്ന് രക്ഷിച്ച ചേട്ടൻ …. കുറച്ച് താടി കുറവന്നേ ഉള്ളൂ ഇത് ആ ചേട്ടൻ തന്നെയാ നോക്കിയേ ? ”

കുഞ്ഞു ഞെട്ടലോടെ പറഞ്ഞതും അഭി ഓടിച്ചെന്ന് ആ ഫോൺ തട്ടിപ്പറിച്ച് നോക്കി ….

” കുഞ്ഞു പറഞ്ഞത് ശരിയാ നോക്കിയേ …. ”

അഭി അതും പറഞ്ഞ് ആ ഫോൺ അനുവിനെ ഏൽപ്പിച്ചു …. അത് കേട്ടതും ദക്ഷ വേഗം ബെഡിൽ നിന്നെണീറ്റ് അനുവിന്റെ അടുത്ത് വന്നു .

” കുഞ്ഞു പറഞ്ഞത് ശരിയാ ? ഈ ചേട്ടനാ ചേച്ചിയെ രക്ഷിച്ചത് , അപ്പൊ നിങ്ങൾ പരിചയക്കാരാണോ …. ? ”

അനു അതിശയത്തോടെ ചോദിച്ചതും ദക്ഷ വേഗം ആ ഫോൺ വാങ്ങി നോക്കി ഒരു സംശയത്തോടെ അതിലുമുപരി ആകാംഷയോടെ … ആ ഫോട്ടോ കണ്ടതും ഒരു നടുക്കമാണ് അവളിൽ ആദ്യം ഉണ്ടായത് ….

‘ ആദിത്യനാഥ് , വിശ്വനാഥിന്റെയും ജയലക്ഷ്മിയുടെയും മകൻ . ഇത് ഞാൻ അന്ന് ആ വീടിനുള്ളിൽ കയറിയപ്പോൾ ചുവരിൽ വെച്ചിരുന്നത് കണ്ട ആ ഫോട്ടോ , ഞാൻ അന്ന് ഫോണിൽ എടുത്തതാണ് ഈ ഫോട്ടോ . ഇയാളാണോ എന്നെ എന്തിന് അതും ഇവിടെ …. ? ‘

ദക്ഷ പലതും ചിന്തിച്ചു കൊണ്ട് ഫോണിലേക്ക് തന്നെ നോക്കി നിന്നു ഒരു ഞെട്ടലോടെ ….

തുടരുന്നു …..