✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1371

മുഖമില്ലാത്ത അയാൾക്ക് ഇപ്പൊ ആ ആദിത്യനാഥിന്റെ മുഖത്തോട് സാമ്യത തോന്നാൻ കാരണമെന്താ …. അത് എന്റെ വെറും തോന്നലോ അതോ ? എനിക്കറിയില്ല , എനിക്കൊന്നുമറിയില്ല
എന്തിനാ നീ എനിക്കിങ്ങനെയുള്ള ദു:സ്വപ്നങ്ങൾ കാണിച്ച് തരുന്നേ ? സത്യത്തിൽ സ്വപ്നത്തിൽ വരുന്നയാൾ ആരാ , ഞാനും അയാളും തമ്മിൽ എന്താ ബന്ധം ? എന്തിനാ സ്വപ്നത്തിൽ എനിക്ക് അപകടം വരുമ്പോഴൊക്കെ അയാൾ ഒരു രക്ഷകനെപ്പോലെ കടന്ന് വരുന്നത് , ഒടുവിൽ എനിക്ക് വരേണ്ട ആപത്തുകളെല്ലാം ഒരു നീരസവും കൂടാതെ ഒരു പുഞ്ചിരിയോടെ അയാളെന്തിനാ സ്വയം ഏറ്റ് വാങ്ങുന്നത് , അയാൾ ആരാ ? എന്താ ഇതിന്റെയൊക്കെ അർത്ഥം … എല്ലാം തോന്നിപ്പിക്കുന്ന നീ തന്നെ ഒരുത്തരം താ ……. ”

ആ ശ്രീകൃഷ്ണ വിഗ്രഹത്തിന് മുന്നിൽ ചെന്ന അവൾ സങ്കടം നിറഞ്ഞ വാശിയോടെ ചോദിച്ചു കൊണ്ടേയിരുന്നു , നിറഞ്ഞൊഴുകുന്ന കണ്ണുകളുമായി ….

പെട്ടെന്ന് ഒരു ചെറിയ ഇളം കാറ്റ് അവിടെ മുഴുവൻ വീശിയടിച്ചു ….. തുറന്നിട്ട ജാലകത്തിലൂടെ ആ കാറ്റ് ആ മുറിയിലേയ്ക്കും കയറി വന്ന് അവളുടെ മുടിയിഴകൾക്കിടയിലൂടെ ഒഴുകി നടന്നു ….. ജനാലയിലൂടെ വീശിയടിച്ച ആ കാറ്റിൽ പറന്ന് ഒരു ആലിലയും ആ മുറിയിലേക്ക് പാറിപ്പറന്നു വന്നു ശേഷം അത് അവളുടെ കാലുകൾക്കടുത്തായി മുന്നിൽ വന്ന് വീണു …

ഒരതിശയം പോലെ അവൾ അപ്പോൾ തന്റെ മുന്നിൽ വന്ന് വീണ ആ അലില കയ്യിലെടുത്തു മനസ്സിൽ ഒത്തിരി ചോദ്യങ്ങളുമായി ……

കരഞ്ഞ് തളർന്ന് .മനസ്സിൽ ഒത്തിരി ചിന്തകളും സംശയങ്ങളുമായി ഉറങ്ങാൻ കഴിയാതെ കിടന്ന അവൾ പിന്നീടെപ്പോഴോ മയക്കത്തിലേയ്ക്ക് വഴുതി വീണു ..