✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

മനസ്സും ശരീരവും മറന്ന് നിന്ന ആ സമയം അവന്റെ ഇരുട്ട് നിറഞ്ഞ കണ്ണുകളിൽ നിറഞ്ഞ് വന്നത് ഒരു മുഖമായിരുന്നു , ഒരു യുവതിയുടെ ചെറു ചിരിയോടു കൂടിയ മുഖം . എപ്പോഴോ താനറിയാതെ മനസ്സിൽ പതിഞ്ഞു പോയ ആ മുഖം ….

പെട്ടെന്നവൻ ഒരു ഞെട്ടലോടെ കണ്ണുകൾ തുറന്ന് ചുറ്റും നോക്കി …..

” അല്ല ….. അല്ല ഞാൻ സ്വപ്നം കണ്ടതല്ല . പക്ഷെ അവളുടെ മുഖം ഇത്ര വൃക്തമായി എന്റെ കണ്ണുകളിൽ തെളിഞ്ഞ് വരാൻ മാത്രം …. ”

അവൻ സ്വയം ചിന്തിച്ചു കൊണ്ട് തന്റെ വലത് കൈ ഇട നെഞ്ചിൽ വച്ച് നോക്കി , അതെ തന്റെ ഹൃദയം പതിവിലും വേഗത്തിൽ മിടിക്കുകയാണ് അതും താൻ കാണാൻ കൊതിച്ച ആരെയോ കണ്ടെന്ന സന്തോഷത്തിൽ …..

‘ ആ മുഖം കണ്ട നിമിഷം മുതൽ മനസ്സിൽ കയറി കൂടിയതാണ് ഈ അസ്വസ്ഥത . തന്റെ ആരുമല്ല അവൾ , ആദ്യമായി കാണുന്ന മുഖവും പക്ഷെ ഒരോ തവണ ആ മുഖം ഓർമ്മയിൽ കയറി വരുമ്പോഴും മനസ്സിൽ തോന്നുന്നത് അവൾ ഒരു ആയുഷ്കാലം മുഴുവൻ തന്റെ കൂടെ ഉണ്ടായിരുന്നത് പോലെയാണ് . ആ സമയത്ത് ശരീരത്തിൽ ഉണ്ടാകുന്ന മാറ്റങ്ങൾ പോലും ആ തോന്നലിനെ ഒന്നുകൂടി ശക്തപ്പെടുത്തുന്നു … ആരാ അവൾ , അവളെന്തിനാ എന്നെ ഇങ്ങനെ ഓർമ്മയിൽ വന്ന് ശല്യപ്പെടുത്തുന്നേ …. ‘

അവൻ ഓരോ കാര്യങ്ങൾ ചിന്തിച്ചു കൊണ്ട് നിലത്തായി ചുവരിൽ ചാരിയിരുന്നു …..

” ഇനി അവൾക്കെന്തെങ്കിലും ആപത്ത് . ശ്ശേ …… ഹോസ്പിറ്റലിൽ കുറച്ച് സമയം കൂടി നിൽക്കേണ്ടതായിരുന്നു , ബോധം വീണ് കുഴപ്പമൊന്നുമില്ല എന്നറിഞ്ഞ ശേഷം ഒന്നുകൂടി കണ്ടിട്ട് അവിടുന്ന് തിരിച്ചാൽ മതിയായിരുന്നു . ഇതിപ്പൊ മൊത്തത്തിൽ ടെൻഷനായല്ലോ …. ?