✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

ഏത് നേരത്താണാവോ ആ തലവേദന വരാനും അവിടുന്ന് പോരാനും തോന്നിയത് …. ഇനി അവളിപ്പോഴും ആ ഹോസ്പിറ്റലിലായിരിക്കോ ? എന്തെങ്കിലും പ്രശ്നം കാണുമോ …. ? ഒന്നുകൂടി കാണാൻ സാധിച്ചെങ്കിൽ മനസമാധാനം കിട്ടിയേനെ …. ”

അവൻ അവനെത്തന്നെ സ്വയം കുറ്റപ്പെടുത്തിക്കൊണ്ട് ഒരോന്ന് ചിന്തിച്ച് കൂട്ടി … അവിടുന്ന് ഇറങ്ങിപ്പോകാൻ തോന്നിയ സമയത്തെ ഓർത്ത് അവൻ സ്വയം ശപിച്ചു ….

” അല്ല …. ഞാനെന്തിനാ ഇതിനും മാത്രം ചിന്തിച്ച് ടെൻഷനടിക്കുന്നേ …. ? എന്റെ ആരാ അവൾ , ആരുമല്ല . ഏതോ ഒരു പെണ്ണ് , അവളെ മരണത്തിൽ നിന്ന് രക്ഷിച്ച് ഹോസ്പിറ്റലിൽ എത്തിച്ചു , ഞാൻ ഒരു നല്ല കാര്യം മാത്രമല്ലേ ചെയ്തുള്ളൂ … സംഭവിച്ചതിനൊന്നിനും ഞാനുത്തരവാധിയല്ലല്ലോ പിന്നെ ഞാനെന്തിനാ വെറുതെ ടെൻഷനിക്കുന്നേ …. ? ”

അവൻ സ്വയം തന്നോട് തന്നെ പറഞ്ഞു ….

” പക്ഷെ അവളെ കുറിച്ച് ഓർക്കുമ്പോൾ എന്തിനാ എന്റെ ഹൃദയം ഇത്ര വേഗത്തിൽ മിടിക്കുന്നത് , മനസ്സിലും ശരീരത്തിലും ഒരേ പരവേശമാ അപ്പൊ …. അതിന്റെ കാരണമെന്താ ….. ? ”

ഉത്തരമില്ലാത്ത കുറേ ചോദ്യങ്ങൾ അവൻ അവനോട് തന്നെ ചോദിച്ചു കൊണ്ട് അവിടെത്തന്നെയിരുന്നു സമയം പോകുന്നതറിയാതെ …

                    ……………………..

എവിടെ നിന്നോ വീശിയ ഇളം കാറ്റിൽ ആ കൂറ്റൻ അരായാൽ വൃക്ഷത്തിൽ നിന്ന് പഴുത്ത ഇലകൾ പൊഴിഞ്ഞതും അതിൽ ചിലത് പാറിപ്പറന്ന് അവളുടെ ശരീരത്തിലേയ്ക്ക് വന്ന് തട്ടിയ ശേഷം നിലത്തേയ്ക്ക് വീണു . ഒപ്പം ആ കാറ്റ് ശരീരത്തിൽ ഏറ്റതും അവളുടെ മനസ്സിൽ എന്തെന്നില്ലാത്ത ഒരു തരം സന്തോഷവും കുളിർമയും …..