✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

“എടാ ….. പൊന്നോ ഇത്രയൊക്കെ നടന്നിട്ടാണോ നീ പൂച്ചയെപ്പോലെ പമ്മി ഇരുന്നത് ….അവന്റെ ഒരു ക്രിത്രിമ ശ്വാസം എടാ നാറി കിട്ടിയ ചാൻസിന് നീ ആ കൊച്ചിന് മുത്തവും കൊടുത്തല്ലേ ….? ”

രുദ്രൻ കളിയാക്കുന്ന രീതിയിൽ ചോദിച്ചു ….

” ടാ പുല്ലേ അനാവശ്യം പറയരുത് ….. എന്ത് ചെയ്യണമെന്നറിയാത്ത വിറങ്ങലിച്ച് നിന്ന സമയത്ത് എങ്ങനെയെങ്കിലും അവളുടെ ജീവൻ രക്ഷിക്കണം എന്ന് കരുതിയാ ആ കടും കൈ ചെയ്ത് അല്ലാതെ നീ പറയുന്നത് പോലെ …..അയ്യേ …. ഛേ …. ”

ആദി ഉടനെ ശബ്ദമുയർത്തി ….

” കൂൾ ബേബി കൂൾ …. നിന്നെ എനിക്കറിയില്ലേ …. നിന്നെ വെറുതെ ഒന്ന് എരിവ് കേറ്റാനല്ലേ ഞാനങ്ങനെയൊക്കെ പറഞ്ഞത് …. എടാ അവളെ കുറിച്ച് ഓർക്കുമ്പോ നിന്റെ ഹൃദയം വേഗത്തിൽ മിടിക്കുന്നില്ലേ , നിനക്കവളെ വീണ്ടും വീണ്ടും കാണണമെന്ന് തോന്നുന്നില്ലേ അതിനെത്തന്നെയാടാ പച്ച മലയാളത്തിൽ പ്രേമം എന്ന് പറയുന്നത് ….. ”

” എടാ അത് …. ”

ആദിയുടെ വാക്കുകൾ പതറി ….

” വേണ്ട വേണ്ട , നീ ഇനി കൂടുതൽ പറഞ്ഞ് ചളമാക്കണ്ട … ആ റിസപ്ഷനിസ്റ്റ് അഡ്രസ് തരുന്നില്ലെങ്കിൽ വേണ്ട , നമുക്ക് കണ്ട് പിടിക്കാടാ അവളുടെ വീട് ….. ”

രുദ്രൻ ആത്മവിശ്വാസത്തോടെ പറഞ്ഞു …

” അത് , എങ്ങനെ ? ”

” അതിപ്പൊ …. അവളുടെ അനുജത്തി നിനക്ക് ഹോസ്പിറ്റലിലേയ്ക്കുള്ള വഴി പറഞ്ഞ് തന്നു എന്നല്ലേ പറഞ്ഞത് അപ്പൊ ഒരു കാര്യം ഉറപ്പ് അവർ ഈ നാട്ടുകാർ തന്നെയാ …..