✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

 

 

” ജയേ അത്യാവശ്യമായി കൂപ്പ് വരെ പോണം , ദേവനെയും കൂടെ കൂട്ടുവാ …. ”

അയാൾ ടെൻഷനോടെ പറഞ്ഞു …

 

” ഏട്ടാ അപ്പൊ ക്ഷേത്രത്തിലേയ്ക്ക് ? ”

 

” അതിനെന്താ നിങ്ങളെല്ലാവരും പോകുന്നില്ലേ …. അളിയനും വരുന്നുണ്ട് . നിങ്ങൾ പോയാൽ മതി ….”

അത്രയും പറഞ്ഞ ശേഷം റ്റേബിളിന്റെ പുറത്തിരുന്ന വാച്ചും പേഴ്സും കൂടി എടുത്തു കൊണ്ട് ശേഖരൻ വേഗം പുറത്തേയ്ക്കിറങ്ങി …..

 

 

                    ……………………..

 

 

രാവിലെ തന്നെ ആദിയും രുദ്രനും ക്ഷേത്രത്തിലേയ്ക്ക് യാത്ര തിരിച്ചിരുന്നു , അതും ആദിയുടെ ബൈക്കിൽ …..

 

” ഹോ എന്തൊരു തണുപ്പ് , ഞാൻ പറഞ്ഞതല്ലേ കാറെടുക്കാമെന്ന് ….. ഹൂ …… ”

പുറകിലിരുന്ന രുദ്രൻ പറഞ്ഞു …..

 

” കാറിൽ പോയാൽ ഈ തണുപ്പും ഫീലും കിട്ടില്ലല്ലോടാ …. ”

 

” മ് …. നല്ല ഒന്നാന്തരം ഫീലാ ….. നീ ഒന്ന് മിണ്ടാതിരുന്നേ ”

രുദ്രൻ പരിഭവത്തോടെ പറഞ്ഞു ….

 

സമയം കടന്ന് പോയി , അന്തരീക്ഷത്തിലെ തണുപ്പ് മാറി എങ്ങും സൂര്യന്റെ ഇളം ചൂട് പരന്ന് തുടങ്ങി …..

 

എവിടെ നിന്നോ ശംഖ് നാഥവും ഒപ്പം ഡമരുവിന്റെ ശബ്ദവും മുഴങ്ങിക്കേട്ടുകൊണ്ടേയിരുന്നു …. ആ ശബ്ദം കേട്ടതും ആദി ചുറ്റും നോക്കി ….

 

” ആരുടെ വായിനോക്കി ഓടിക്കുവാടാ നേരെ നോക്ക് , നീ സ്പീഡ് കുറക്ക് സ്ഥലം എത്തി . ബൈക്ക് അങ്ങോട്ട് വയ്ക്ക് വെറുതെ മുകളിലേയ്ക്ക് കൊണ്ടുപോകണ്ട തിരക്കാണെങ്കിൽ പിന്നീട് ചുറ്റിപ്പോവും , നമുക്ക് ഇതു വഴി നടന്ന് കയറാം ….. ”

രുദ്രൻ പറഞ്ഞതും ആദി ഒരു വശത്തേയ്ക്ക് ബൈക്ക് വച്ച ശേഷം അവർ രണ്ട് പേരും മുകളിലേക്കുള്ള സ്റ്റെപ്പ് കയറാൻ തുടങ്ങി .