✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

” ടാ ….. ഇവിടെ ഈ കാലഭൈരവൻ ക്ഷേത്രം എവിടെയാ ….. നിനക്കറിയോ ? ”

ആദി ആകാംഷയോടെ ചോദിച്ചു ….

” അത് , ഇവിടുന്ന് കുറച്ച് ദൂരമുണ്ട് , എന്താടാ ? നിനക്കെങ്ങനെ ആ ക്ഷേത്രത്തെ പറ്റി അറിയാം …? ”

രുദ്രൻ ആകാംഷയോടെ ചോദിച്ചു …

” എനിക്ക് കൂടുതലായി ഒന്നുമറിയില്ല …. ആന്റണിച്ചായനെ നിനക്കറിയില്ലേ , ഞാൻ ഒരു യാത്ര പോകുന്നു എന്ന് പറഞ്ഞപ്പൊ പുളളിയാ ആ ക്ഷേത്രത്തിൽ പോകണമെന്നും ഒരു തകിട് ആ ക്ഷേത്രത്തിൽ ഏൽപ്പിക്കണമെന്നും പറഞ്ഞത് . എന്താണെന്നോ ഏതാണന്നോ അങ്ങനെ ഒരു കാരണവും പറയാതെ ഒരു തകിടും എന്നെ ഏൽപ്പിച്ചു , അങ്ങനെയാ ഞാൻ ഈ നാട്ടിലേയ്ക്ക് വന്നതും ഒടുവിൽ നിന്റെ മുന്നിൽ വന്ന് പെട്ടതും . ”

ആദി പറഞ്ഞു …

” എന്തെങ്കിലും നേർച്ചയോ മറ്റോ ആകും …. നമുക്ക് നാളത്തന്നെ പോയേക്കാം , രാവിലെ ഇറങ്ങാം . ”

രുദ്രൻ സന്തോഷത്തോടെ പറഞ്ഞു .

                    ……………………..

ഇതേ സമയം നന്ദാവനത്തിൽ ….

” മോളെ ……. എന്താ മുഖത്ത് ഒരു വല്ലായ്മ പോലെ . ആ തിരുമേനി ഓരോന്ന് പറഞ്ഞത് കേട്ടിട്ടാണോ ? മൃത്യു ദോഷം പോലും എന്റെ കുട്ടിയെ വെറുതെ പേടിപ്പിക്കാനായിട്ട് …. വിശ്വാസമാകാം പക്ഷെ ഇതുപോലെ അന്ധമായി വിശ്വസിക്കരുത് … ഓരോരോ വേഷം കെട്ടൽ , ഭാവി പ്രവചിക്കാൻ കഴിയുമെങ്കിൽ ഈ ലോകത്ത് പല അപകടങ്ങളും നടക്കില്ലായിരുന്നു . മോള് വെറുതെ ഭയക്കണ്ട ….. ”

രഘുറാം വാത്സല്യത്തോടെ ദക്ഷയുടെ തലയിൽ തലോടിക്കൊണ്ട് പറഞ്ഞു , ദക്ഷയാകട്ടെ എല്ലാം ഒരു പുഞ്ചിരിയോടെ കേട്ടിരുന്നു …