✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

അത്രയും വലിയ ഹോസ്പിറ്റലിൽ ആ മൂന്ന് പിള്ളേരേം തനിച്ചാക്കി വന്നിരിക്കുന്നു … നീ ഇത് അപ്പൊത്തന്നെ എന്നോട് പറഞ്ഞിരുന്നെങ്കിൽ നിന്നെ ഞാൻ തിരിച്ച് ഓടിച്ചേനെ …. ”

രുദ്രൻ അത്രയും പറഞ്ഞ ശേഷം അവന്റെ അടുത്തായി ബെഡിൽ ഇരുന്നു .

” എടാ ….. ഞാൻ …. ”

ആദി പതർച്ചയോടെ പറഞ്ഞു നിർത്തി , അവന്റെ മുഖത്ത് തെറ്റ് പറ്റിയവന്റെ സങ്കടം നിഴലിച്ച് നിന്നിരുന്നു …

” എടാ ഞാൻ നിന്നെ സങ്കടപ്പെടുത്താൻ പറഞ്ഞതല്ല … പക്ഷെ ഇതൊക്കെ അറിഞ്ഞ് ചെയ്യേണ്ടതല്ലേ … ആഹ് , ഇനി പറഞ്ഞിട്ട് കാര്യമില്ല … നീ വാ കാപ്പി കുടിക്കാം ….”

രുദ്രൻ അത്രയും പറഞ്ഞ് അവിടുന്ന് എണീറ്റ് തിരികെപ്പോകാൻ ഒരുങ്ങിയതും ആദി പെട്ടെന്ന് അവന്റെ കയ്യിൽ കയറി പിടിച്ചു ….

” എടാ നമുക്ക് ആ ഹോസ്പിറ്റൽ വരെ പോയി ഒന്ന് തിരക്കിയാലോ …. ? ”

ആദി സങ്കടത്തോടെ ചോദിച്ചു …

” എടാ ഇനി പോയിട്ട് എന്തിനാ … മിക്കവാറും അവർ ഇന്നലെത്തന്നെ ഹോസ്പിറ്റൽ വിട്ട് കാണും … ”

” എടാ എന്നാലും ….? ”

” മ് ….. മനസ്സിലായി …. ഇനി അവിടം വരെ പോകാതെ നിനക്ക് സമാധാനം കിട്ടില്ല അല്ലേ … വേഗം വന്ന് കഴിക്ക് , പോയി നോക്കാം … ”

രുദ്രൻ ചെറിയ പുഞ്ചിരിയോടെ പറഞ്ഞു …..

അധികം വൈകാതെ തന്നെ അവർ ഹോസ്പിറ്റലിലേയ്ക്ക് തിരിച്ചു …. രുദ്രന്റെ കാറിൽ തന്നെയായിരുന്നു യാത്ര …. ഹോസ്പിറ്റലിലെ പാർക്കിങ്ങിൽ കാർ നിർത്തിയ ശേഷം അവർ രണ്ട് പേരും റിസപ്ഷനിലെ എൻകൊയറി ഭാഗത്തേയ്ക്ക് നടന്നു …