✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

                    ……………………..

അടുത്ത ദിവസം ……

പ്രഭാത സൂര്യന്റെ കിരണങ്ങൾ ജനാലയിലൂടെ മുഖത്ത് വന്നടിച്ചതും കണ്ണുകൾ മുറുക്കിയടച്ചു കൊണ്ടവൾ പുതപ്പ് തലയിലൂടെ മൂടി ….
അപ്പോഴാണ് റൂമിന്റെ വാതിലിൽ ആരോ മുട്ടുന്ന ശബ്ദം കേട്ട് അവൾ മയക്കം വിട്ടുണർന്നത് .
തെല്ല് നീരസത്തോടെ അവൾ ബെഡിൽ നിന്നിറങ്ങി ഉറക്കച്ചുവയോടെ ഡോറിനടുത്തേയ്ക്ക് നടന്നു …. ലോക്ക് മാറ്റി വാതിൽ തുറന്ന അവൾ ആദ്യം ഒന്ന് സംശയിച്ച് നിന്നു …. പരിചയമില്ലാത്ത ഒരു മുഖം തന്നെ നോക്കി പുഞ്ചിരിയോടെ നിൽക്കുന്നു …

” ആഹാ ഇപ്പൊ എഴുന്നേറ്റതേ ഉള്ളൂ . സമയം ആറ് കഴിഞ്ഞു ന്റെ മാഷേ …. ”

ഒരു പുഞ്ചിരിയോടെ പറഞ്ഞു കൊണ്ടവൾ വാതില് കടന്ന് അകത്തേയ്ക്ക് കയറി വന്നു …. ദക്ഷ അവളെ ഒന്ന് നോക്കി , കാണാൻ നല്ല ചേലുള്ള മുഖം , ധരിച്ചിരിക്കുന്നത് മോഡേൺ ഡ്രെസ്സ് ആണെങ്കിലും ഓവറല്ല , ശരീരത്തിനിണങ്ങുന്ന രീതിയിൽ തന്നെ …….

” എന്താ മാഷേ ഇങ്ങനെ അന്തം വിട്ട് നോക്കി നിൽക്കുന്നേ …. ? എന്നെ മനസ്സിലായോ … ? ”

ഒരു കുസൃതിയോടെ അവൾ ചോദിച്ചു ….

” അവന്തിക ….. ”

ദക്ഷ സംശയത്തോടെ പതിയെ പറഞ്ഞു …..

” ആഹാ മനസ്സിലാക്കിക്കളഞ്ഞല്ലോ ഐ പി എസ്സുകാരി …… നമ്മൾ തമ്മിൽ രണ്ട് വയസ്സിന്റെ വ്യത്യാസമേ ഉള്ളൂ എന്നാണ് അമ്മ പറഞ്ഞത് എന്നാലും പേര് വിളിക്കുന്നത് ശരിയല്ലല്ലോ …. ചേച്ചി അത് തന്നെയാ നല്ലത് ….. ഇന്നലെ അമ്മ വിളിച്ചപ്പൊ പറഞ്ഞു ചേച്ചിക്ക് ചെറിയ ഒരു ആക്സിഡന്റ് പറ്റിയ കാര്യം , അതാ വന്ന ഉടനെ ആദ്യം ചേച്ചിയെ കണ്ടിട്ട് ബാക്കി പരിപാടി നോക്കാം എന്ന് കരുതി ഇങ്ങോട്ട് പോന്നത് …. ആർ യു ഓക്കെ ….. ? ”