✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

അപ്പോഴേക്കും അവന്തിക അവിടേയ്ക്ക് വന്നു ….

” ആ അങ്കിൾ ഇവിടെ ഉണ്ടായിരുന്നോ …. ? അച്ഛൻ തിരക്കുന്നുണ്ട് …… ”

അവൾ ഒരു പുഞ്ചിരിയോടെ പറഞ്ഞു ….

” ആ മോളെങ്കിലും ഒന്ന് പറഞ്ഞ് മനസ്സിലാക്കിക്കൊടുക്ക് …. അയാള് പറഞ്ഞതും കേട്ട് വെറുതെ മനസ്സ് വിഷമിപ്പിക്കാനായിട്ട് ….. ഞാൻ താഴേക്ക് ചെല്ലട്ടെ ….. ”

രഘുറാം അത്രയും പറഞ്ഞ ശേഷം മുറി വിട്ട് പുറത്തേക്ക് പോയി …..

” എന്താ ചേച്ചീ ഒരു മൂഡ് ഓഫ് , അങ്കിള് പറഞ്ഞതാണോ കാര്യം … ഹ…… ഹ ….

ചേച്ചീ ഈ ജാതകം ഗ്രഹനില ഇതിലൊന്നിലും ഒരു കാര്യവും ഇല്ല , വെറുതെ പറ്റിപ്പ് . ആർക്കും ആരുടെയും ജനനമോ മരണമോ പ്രവചിക്കാൻ കഴിയില്ല …… ചേച്ചി വെറുതെ ഓരോന്ന് ചിന്തിച്ച് ടെൻഷനടിക്കാതെ . ”

അവന്തിക ഒരു ചിരിയോടെ പറഞ്ഞു …..

” ഏയ് അതൊന്നും ചിന്തിച്ചിട്ടല്ല അവന്തികേ …. എനിക്ക് തന്നെ അറിയില്ല ഈ മൂഡോഫിന്റെ കാരണം എന്തെന്ന് …… പക്ഷെ ചില കാര്യങ്ങൾ ഓർത്തപ്പോ ഒരു സംശയം , പലതും ശരിയാണോ എന്ന് .

ആ അതൊക്കെ പോട്ടെ …. ആ തിരുമേനി ഏതോ ക്ഷേത്രത്തിൽ പോകുന്ന കാര്യം പറഞ്ഞില്ലേ … അതെവിടെയാ ? ”

ദക്ഷ ആകാംഷയോടെ ചോദിച്ചു ….

” ഇവിടുന്ന് ഇത്തിരി ദൂരം ഉണ്ട് ആ ക്ഷേത്രത്തിലേക്ക് . ഞാൻ ഒരു തവണയേ പോയിട്ടുള്ളൂ … നല്ല സ്ഥലവും അന്തരീക്ഷവുമാ അവിടെ ….. ഒത്തിരി ഐതീഹ്യങ്ങൾ ഉള്ള ക്ഷേത്രമാ അത് ? ”

” അതെന്താ ….. ? ”

ദക്ഷ ചോദിച്ചു …