✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

ആദി സംശയത്തോടെ ചോദിച്ചു കൊണ്ട് ആ പട്ട് തുണി തുറന്ന് നോക്കി …. അതിനുള്ളിൽ ഒരു ചെറിയ ചെമ്പ് തകിടായിരുന്നു , അതിന്റെ ഒരു വശത്ത് ഏതോ ഒരു ലിപിയിൽ എന്തൊക്കെയോ എഴുതിയിരിക്കുന്നു മറുവശത്താകട്ടെ ഒരു ചിത്രവും – ഒരു കുതിരയുടെ ചിത്രം , ഒറ്റക്കൊമ്പുള്ള കുതിരയുടെ ചിത്രം , ദി ഒർജിനൽ യൂണിക്കോൺ .

” ഇതെന്താ അച്ചായാ …. ഇതെന്തിനാ അവിടെ എത്തിക്കുന്നേ …. ? ”

ആദി സംശയത്തോടെ ചോദിച്ചു ….

” ഹ ….. ഒരു ചെറിയ സഹായം അല്ലേ ഞാൻ ചോദിച്ചുള്ളൂ …. അതിന് എന്തിനാ മോനെ അർത്ഥമില്ലാത്ത കുറേ സംശയങ്ങൾ …. മോനിതവിടെ എത്തിക്ക് ബാക്കിയൊക്കെ വഴിയേ അറിയും…. ”

ആന്റണി ഒരു പുഞ്ചിരിയോടെ പറഞ്ഞു ….

” മ് ഓക്കെ . എനിക്ക് ഒരു സംശയവും ഇല്ല … ഇത് എത്തിക്കേണ്ട ഇടത്ത് തന്നെ ഞാനെത്തിക്കും പോരെ …. ?

എന്നാൽ പിന്നെ ഞാൻ പോട്ടെ അങ്കിളെ ….. ? ”

” പോയിട്ട് വരട്ടെ എന്ന് പറയടാ ചെക്കാ ….. ”

ആന്റണി ഒരു പുഞ്ചിരിയോടെ അവനെ കെട്ടിപിടിച്ച ശേഷം പറഞ്ഞു …

” മ് എന്നാ ഞാൻ പോയിട്ട് വരട്ടെ അച്ചായോ ….. ?”

” മ് ….. ”

ആദി പുഞ്ചിരിയോടെ ചോദിച്ച ശേഷം തിരികെ പടികളിറങ്ങി ആ നിലാവിന്റെ അരണ്ട വെളിച്ചത്തിൽ മുന്നോട്ട് നടന്നു ഗേറ്റ് കടന്ന ശേഷം തന്റെ ബൈക്ക് സ്റ്റാർട്ടാക്കി അവൻ യാത്ര തിരിച്ചു …..