✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

 

 

അവന്തിക ഒരു പുഞ്ചിരിയോടെ വേഗത്തിൽ പറഞ്ഞു നിർത്തി . പക്ഷെ ദക്ഷയുടെ മനസ്സിൽ പതിഞ്ഞത് ആ വാക്കാണ് ‘ ചേകവർ മന ‘ .

 

അന്ന് തന്റെ അമ്മ ആക്രമിക്കപ്പെട്ടപ്പോൾ ചേകവർ മനയിലെ ശേഖരൻ തമ്പിയാണ് അമ്മയെ രക്ഷിക്കാനായി ശ്രമിച്ചതെന്ന് അച്ഛൻ പറഞ്ഞിരുന്നു എന്ന കാര്യം അവളുടെ ഓർമ്മയിൽ പെട്ടെന്ന് തെളിഞ്ഞു .

 

” അവന്തികേ ഈ ചേകവർ …… ”

 

” ആ നീയും ഇവിടെ ഉണ്ടായിരുന്നോ … വാ രണ്ട് പേരും അത്താഴം കഴിക്കാൻ വാ …. ”

 

അപ്പോഴേക്കും അവിടേയ്ക്ക് കയറി വന്ന രാഗിണി അവരോട് പറഞ്ഞു . ചോദിക്കാനായി വന്ന ചോദ്യം തൽക്കാലം മനസ്സിൽ തന്നെ സൂക്ഷിച്ചു കൊണ്ട് ദക്ഷയും അവരോടൊപ്പം താഴേയ്ക്ക് നടന്നു …..

 

                    ……………………..

 

 

അടുത്ത ദിവസം രാവിലെ ……..

 

ഫോണിലെ ബെൽ മുഴങ്ങുന്ന ശബ്ദം കേട്ടതും കണ്ണാടിക്ക് മുന്നിൽ ഒരുങ്ങിക്കോണ്ട് നിന്ന ജയന്തി ഫോൺ കയ്യിലെടുത്തു ….

” ആരാ ജയേ ? ”

 

” കൂപ്പിലെ മാനേജരാ ഏട്ടാ …. ”

ശേഖരന്റെ ചോദ്യത്തിന് ഉത്തരം പറഞ്ഞു കൊണ്ട് ജയന്തി ഫോൺ അയാൾക്ക് നേരെ നീട്ടി , ശേഷം അയാൾ കോൾ എടുത്തിട്ട് ഫോൺ ചെവിയിലേക്ക് വച്ചു .

 

” ഹലോ ….. ? ”

 

” ആ സാറെ …..
…….. …….. ”

 

” ടോ ഞാനും ദേവനും ഉടനെ എത്താം താൻ ഫോൺ വച്ചോ …. ”

അൽപ്പം ടെൻഷനോടെ പറഞ്ഞു കൊണ്ട് ശേഖരൻ കോൾ കട്ട് ചെയ്തു ….

 

” എന്താ …. എന്താ ഏട്ടാ പ്രശ്നം …. ഏട്ടനെവിടേയ്ക്കാ പോകുന്നേ ….. ? ”

ജയന്തി സംശയത്തോടെ ചോദിച്ചു ….