✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

” ടാ ഞാൻ ചോദിക്കാം …. ”

രുദ്രൻ അത്രയും പറഞ്ഞ ശേഷം മുന്നേ നടന്നു തൊട്ട് പുറകെ തന്നെ ആദിയും ….

” എക്സ്ക്യൂസ് മി ….. ഇന്നലെ ഉച്ചയ്ക്ക് ഒരു പെൺകുട്ടിയെ പുഴയിൽ വീണ് കൊണ്ട് വന്നില്ലായിരുന്നോ …. അവരിപ്പൊ ….? ”

രുദ്രൻ അവിടെ നിൽക്കുന്ന ഒരു യുവതിയോട് ചോദിച്ചു ….

” ദക്ഷ . അല്ലേ ? ”

” അതെ . ”

ആദി ഉടനെ മറുപടി പറഞ്ഞു …

” അവർ ഇന്നലെ വൈകിട്ട് തന്നെ പോയല്ലോ ? എന്താ കാര്യം ? ”

അവൾ കാര്യം തിരക്കി ….

” അത് . ആ പെൺകുട്ടിയുടെ അഡ്രസ്സ് ഒന്ന് തരാമോ …. ? ഞാനാ ആ കുട്ടിയെ ഇവിടെ എത്തിച്ചത് . ”

ആദി ഉടനെ ചോദിച്ചു …

” സോറി സർ . പേഷ്യൻസിന്റെ ഒരു ഡീറ്റെൽസും ആർക്കും കൊടുക്കരുതെന്ന് മാനേജ്മെന്റിന്റെ സ്ട്രിക്ട് ഇൻസ്ട്രക്ഷൻ ഉണ്ട് സർ , അതുകൊണ്ട് . ”

അവൾ പറഞ്ഞ് നിർത്തി ….

” നീ വന്നേ …… ”

രുദ്രൻ അതും പറഞ്ഞ് ആദിയുടെ കയ്യിൽ പിടിച്ച് വലിച്ച് മുന്നോട്ട് നടന്നു . ശേഷം പാർക്കിങ്ങിൽ എത്തിയ ഇരുവരും കാറിൽ കയറി …

” അല്ല ആദി എനിക്കറിയാമ്മേലാഞ്ഞിട്ട് ചോദിക്കുവാ എന്താ നിന്റെ പ്രശ്നം ….? ആ പെണ്ണ് ഡിസ്ച്ചാർജായിപ്പോയെന്ന് ആ റിസപ്ഷനിസ്റ്റ് പറഞ്ഞു . അതിനർത്ഥം എന്താ , അവൾക്ക് പ്രശ്നമൊന്നുമില്ല എന്നല്ലേ . പിന്നെ നിനക്കെന്തിനാ അവളുടെ അഡ്രസ്സ് …. ? ”

രുദ്രൻ സംശയത്തോടെ ചോദിച്ചു …..