✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

” ദൈവ കൃപയാൽ എല്ലാം നന്നായിത്തന്നെ പോകുന്നു തിരുമേനി . ”

ശേഖരൻ മറുപടി പറഞ്ഞു …..

അവർ നേരെ ചെന്നത് പ്രധാന സ്വീകരണ മുറിയിലേയ്ക്കായിരുന്നു ….

പാങ്ങോടനെ കണ്ടതും ഭാർഗവരാമൻ വേഗമെണീറ്റ് തന്റെ കളിക്കൂട്ടുകാരനെ കെട്ടിപ്പിടിച്ചു …..

” സുഖമല്ലേ രാമാ ? ”

” സുഖം , പിന്നെ വയസ്സായില്ലേ പ്രായത്തിന്റേതായ ബുദ്ധിമുട്ടുകൾ ഉണ്ട് ….. താനിരിക്ക് …. ”

ഭാർഗവരാമൻ തന്റെ കൂട്ടുകാരനെ അടുത്തായി ഇരുത്തി ….

” മോളെ നന്ദിനി എല്ലാവരെയും വിളിക്ക് …. ”

ഭാർഗവരാമൻ പറഞ്ഞതും നന്ദിനി അകത്തേയ്ക്ക് പോയി …..
അപ്പോഴേയ്ക്കും ദേവകി അവിടേയ്ക്കെത്തി …

” ദേവകി …. സുഖം തന്നെയല്ലേ ….. ? ”

” അതെ തിരുമേനി ….. ഈശ്വരൻ കൂടെത്തന്നെ ഉണ്ട് , ഇന്നലത്തെ സംഭവം തന്നെ അറിഞ്ഞില്ലേ …. ? ”

” അറിഞ്ഞു . ശേഖരൻ വിളിച്ച് എല്ലാം പറഞ്ഞു . അതാ തിരക്കുകൾ മാറ്റി വച്ച് പെട്ടെന്ന് തന്നെ ഇങ്ങ് പോന്നത് …… ”

പാങ്ങോടൻ മറുപടി പറഞ്ഞു ,
അപ്പോഴേയ്ക്കും ഓരോരുത്തരായി താഴേക്ക് വന്നു . ദക്ഷയെ കണ്ടതും അയാൾ ഒരു നിമിഷം അവളുടെ മുഖത്തേക്ക് തന്നെ നോക്കി ……

” ലക്ഷ്മിയുടെ മകൾ അല്ലേ ? ”

അയാൾ ചോദിച്ചതും അവൾ ഒരു പുഞ്ചിരിയോടെ തലയാട്ടി …. രഘുറാമാകട്ടെ ഇതിലൊന്നും വലിയ വിശ്വാസമില്ലാത്ത മട്ടിൽ എല്ലാം നോക്കി നിന്നു ….