✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

ദേവീ ചൈതന്യമാ മോള് വന്നതിലൂടെ ഈ കുടുംബത്തിന് ലഭിച്ചത് , ആ ചൈതന്യം മോളിലൂടെ അങ്ങനെ തന്നെ നിലനിൽക്കും ….. ദേവീ പാർവ്വതിക്ക് മഹാദേവൻ എങ്ങനെ രക്ഷാകവചമായി നിൽക്കുന്നുവോ അതുപോലെ ഒരു കവചം മോൾക്ക് ചുറ്റും ഉണ്ട് , അതുകൊണ്ടാ ഇന്നലെ ഉണ്ടായ ആ വലിയ അപകടത്തിൽ നിന്ന് പോലും മോള് രക്ഷപ്പെട്ടത് , ആ കവചം മോളുടെ കൂടെ എന്നും ഉണ്ടാകും . അതിന്റെ ശക്തി ഒന്ന് കൂടി കൂട്ടാനാ ഈ ക്ഷേത്ര ദർശനം …. ”

അദ്ദേഹം അത്ര മാത്രം പറഞ്ഞ ശേഷം വേറെ സംശയങ്ങൾ കേൾക്കാനോ ഉത്തരം നൽകാനോ നിൽക്കാതെ മന്ത്രങ്ങൾ ഉരുവിട്ട ശേഷം അവിടെ നിന്ന് എഴുന്നേറ്റു ….

” രാമാ വരിക , ചിലത് പറയാനുണ്ട് …. ”

അത്രമാത്രം പറഞ്ഞ ശേഷം ആരുടെയും മറുപടി കേൾക്കാതെ അയാൾ പുറത്തേയ്ക്ക് നടന്നു പുറകെ ഭാർഗവരാമനും ….. അവർ നേരെ പോയത് തറവാടിന് പുറത്തുള്ള കുളത്തിനടുത്തേയ്ക്കായിരുന്നു ….

” എന്താടോ ….. ? എന്താ പ്രശ്നം ….. താൻ വ്യക്തമായി തെളിച്ച് പറ ..”

പുറകെ ചെന്ന ഭാർഗവരാമൻ അയാളോട് ചോദിച്ചു …….

” സംശയിച്ചത് തന്നെ സംഭവിച്ചു രാമാ …..”

” എന്ന് വച്ചാൽ ? ”

ഭാർഗവരാമൻ സംശയത്തോടെ ചോദിച്ചു ….

” കൊട്ടാരത്തിൽ ജനിച്ച് വളരേണ്ട ആ കുട്ടി
എന്ത് കാരണത്താൽ തന്റെ കുടുംബത്തിൽ ജനിച്ചു എന്ന് തനിക്ക് അറിയാമല്ലോ …. ?

” അറിയാം , എല്ലാം അറിയാം . അതിനിപ്പൊ എന്താടോ ? … ”

” ചെയ്ത് കൂട്ടിയ മുൻകരുതലുകളെല്ലാം പാഴായിപ്പോയി എന്നൊരു തോന്നൽ …. ”

പാങ്ങോടൻ അൽപ്പം ശങ്കയോടെ പറഞ്ഞു …