✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

‘ പക്ഷെ ഇതിന്റെ അവകാശി ആരാണ് , ഇത് എങ്ങനെ അയാളുടെ കയ്യിൽ എത്തിക്കും ….. ‘

അവനതും മനസ്സിൽ ചിന്തിച്ചു കൊണ്ട് ആ പാദസ്വരം പാൻസിന്റെ പോക്കറ്റിൽ ഇട്ടു ……

” അണ്ണാ നല്ല അസ്സല് ചായ ….”

അവനതും പറഞ്ഞ് ചായ ഗ്ലാസ്സും പൈസയും അയാളുടെ കയ്യിൽ കൊടുത്തു ….

” അണ്ണാ ഇവിടെ രാവിലെ ഏതെങ്കിലും സ്ത്രീകൾ വന്നിരുന്നോ , ചായ കുടിക്കാനോ മറ്റോ …..? ”

അവൻ സംശയത്തോടെ ചോദിച്ചു ….

” ഒത്തിരി പേർ വരുവേ , ജ്ഞാപകമില്ലേ …. എന്നാ തമ്പി ? ”

” ഒന്നൂല്ല വെറുതെ . ശരി അണ്ണാ … ”

അയാളുടെ മറുപടി കേട്ടതും ആദി അയാളോട് നന്ദിയും പറഞ്ഞ് തിരികെ ബൈക്കിൽ കയറി യാത്ര തുടർന്നു ….

ആരോടൊക്കെയോ ചോദിച്ചറിഞ്ഞ വഴികൾ , ശരിയോ തെറ്റോ എന്ന് പോലുമറിയാതെയുള്ള യാത്ര …. പല സ്ഥലത്തും മൊബൈൽ സിഗ്നൽ കുറവായതിനാൽ അതിനെ ആശ്രയിക്കാനും കഴിഞ്ഞില്ല …. മെയിൻ റോഡും ഇടറോഡും മൺ പാതകളും അങ്ങനെ വഴിമാറിയുള്ള യാത്ര , ഏതോ ശക്തി എവിടേയ്ക്കോ കൊണ്ട് പോകുന്നത് പോലെ , ഇട്ട് ചുറ്റിക്കുന്നത് പോലെ ….

സമയം കടന്ന് പോയിട്ടും ആ അണ്ണാച്ചി പറഞ്ഞ ദൂരത്തിൽ കൂടുതൽ സഞ്ചരിച്ചിട്ടും തനിക്കെത്തേണ്ട സ്ഥലത്ത് മാത്രം എത്തിച്ചേരാൻ കഴിയുന്നില്ല ….. അങ്ങനെ അവന്റെ യാത്ര തുടർന്നു കൊണ്ടേയിരുന്നു ….

ആ യാത്രയ്ക്കിടയിലാണ് ഒരു പെൺകുട്ടിയുടെ ദയനീയമായ കരച്ചിൽ അവന്റെ ചെവികളിൽ പതിച്ചത് …..

” ആരെങ്കിലും ഓടി വരണേ , രക്ഷിക്കണേ ” എന്നുള്ള നിവിളിയും കരച്ചിലും ….