✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

ഇവിടേയ്ക്ക് വരുന്നതിന് മുൻപ് റസിയയുടെ വീട്ടിൽ പോയി അവരോട് പറഞ്ഞപ്പോൾ അവരും പറഞ്ഞു പോയി വരാൻ മനസ്സ് ഒന്ന് റിലാക്സ് ആകട്ടെ എന്ന് …. ”

ആദി ആന്റണിയോട് പറഞ്ഞു ……
അത് കേട്ടതും അയാൾ ഒന്ന് പുഞ്ചിരിച്ചു .

” മോൻ നിൽക്ക് , ഞാൻ ഇപ്പൊ വരാം ….. ”

അയാൾ അത്രമാത്രം പറഞ്ഞ ശേഷം വീടിനകത്തേയ്ക്ക് കയറി . അൽപ്പം കഴിഞ്ഞ ശേഷം അയാൾ തിരികെ വന്നു ….

” മോൻ എന്തായാലും യാത്ര പോകാൻ തീരുമാനിച്ചു , കൂട്ടത്തിൽ അച്ചായന് ഒരു ചെറിയ സഹായം കൂടി ചെയ്യാമോ ? ”

ആന്റണി താഴ്മയോടെ ചോദിച്ചു ….

” അതിനെന്താ അങ്കിളെ ? കാര്യം പറയ് …. ”

ആദി ആകാംഷയോടെ ചോദിച്ചു ….

” കേരളാ കർണ്ണാടക ബോർഡർ ഒപ്പം തമിഴ്നാടും അതിർത്ഥി പങ്കിടുന്ന ഒരു സ്ഥലമുണ്ട് . ഒരു വലിയ ഉൾഗ്രാമം അല്ല ഒരു പഴയ വലിയ നാട്ടുരാജ്യം , വൈകുണ്ഡ പുരി എന്നാ സ്ഥലത്തിന്റെ പേര് . അവിടെ ഒരു ക്ഷേത്രമുണ്ട് കാലഭൈരവൻ ക്ഷേത്രം , ശിവന് വേണ്ടി നിർമ്മിച്ചിട്ടുള്ള ആ നാട്ടിലെ ഒരേ ഒരു ക്ഷേത്രം …. മോനവിടെ വരെ ഒന്ന് പോകണം എന്നിട്ട് ആ ക്ഷേത്രത്തിലെ മുതിർന്ന ശാന്തിയുടെ കയ്യിൽ ഇത് ഏൽപ്പിക്കണം , അദ്ദേഹത്തിന്റെ പേര് ബ്രഹ്മദത്തൻ എന്നാ ….. ”

ആന്റണി അത്രയും പറഞ്ഞ ശേഷം ഒരു ചെറിയ പട്ട് തുണിയിൽ പൊതിഞ്ഞ എന്തോ ഒന്ന് ആദിയുടെ കയ്യിൽ കൊടുത്തു ….

” എന്താ ആച്ചായോ ഇത് …. ? അല്ല അച്ചായന് എങ്ങനെയാ അവിടെയൊക്കെ പരിചയം ? ”