✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

കൈകൾ തമ്മിലുരച്ച് ശരീരത്തെ ഒന്ന് ചൂടാക്കിക്കൊണ്ട് അവൻ ആ ചായക്കടയിലെ അണ്ണാച്ചിയോട് പറഞ്ഞു , ശേഷം അവൻ കടയിലെ മുന്നിൽ ഒരു ചരടിൽ കോർത്തിട്ടിരിക്കുന്ന പലതരം പത്ര പേപ്പറിലൂടെയും മാഗസീനിലൂടെയും ഒന്ന് കണ്ണോടിച്ചു …

” തമ്പീ ….. ടീ ….. ”

അയാൾ വിളിച്ച് പറഞ്ഞതും അവൻ ചായ ഗ്ലാസ്സ് കയ്യിൽ വാങ്ങി ….

” അണ്ണാ ഈ വൈകുണ്ഡ പുരിക്ക് ഇനി എവ്വളോ ദൂരം ഇറുക്ക് …..? ”

” തമ്പീ ഇനിയും ഒരു എൺപത് എൺപത്തഞ്ച് കിലോമീറ്റർ ദൂരം ഇറുക്ക് ….. ”

അയാൾ ഒരു പുഞ്ചിരിയോടെ മറുപടി പറഞ്ഞു .

” അണ്ണാ നീങ്കെ നെെറ്റും ഇങ്കെ ഇറുക്കാ , ഇവിടെ കടയിൽ …. ”

അവൻ വെറുതെ കുശലമന്വേഷിച്ചു ….

” ആമ ….. രാത്രി ഈ വഴി കുറേ ചരക്ക് ലോറികൾ വരുവേ ….. അപ്പൊ കൊഞ്ചം കച്ചോടം കിടയ്ക്കും …. തമ്പിക്ക് സാപ്പിടാൻ എടുക്കട്ടുമാ …. ”

” വേണ്ട അണ്ണാ …. വിശപ്പ് തീരെ കമ്മി …. ഇപ്പൊ ഇത് പോതും ….. ”

അവൻ ഒരു പുഞ്ചിരിയോടെ പറഞ്ഞ ശേഷം ചായ ഗ്ലാസ്സുമായി അൽപ്പം മുന്നോട്ട് നടന്നു ….. താഴെ താഴ്വരം പോലെ മഞ്ഞ് പുതച്ച് കിടക്കുന്ന മലനിരകളെ നോക്കി അവൻ ആ ഗ്ലാസ്സിലെ ചൂട് ചായ ഊതിക്കുടിച്ചു , ശേഷം ഒന്ന് തിരിഞ്ഞതും നിലത്തായി പുല്ലിനിടയിൽ സൂര്യപ്രകാശം തട്ടി എന്തോ കിടന്ന് തിളങ്ങുന്നത് കണ്ട അവൻ അത് കയ്യെത്തി എടുത്തു . ഒരു സ്വർണ്ണ പാദസ്വരമായിരുന്നു അത് , നിറയെ മുത്തുകളുള്ള കാണാൻ ചേലുള്ള ഒരു പാദസ്വരം …..
എന്തോ അവനതിനോട് വല്ലാത്ത കൗതുകം തോന്നി