✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1371

” എന്താ ചേച്ചീ , എന്തായാലും ഞങ്ങളോട് പറ ? ”

വിഷമിച്ച് നിൽക്കുന്ന ദക്ഷയുടെ തോളിൽ കൈ പിടിച്ചു കൊണ്ട് അനു ചോദിച്ചു .

” പറയാം പക്ഷെ ഞാൻ പറയുന്ന കാര്യങ്ങൾ ഒരിക്കലും മറ്റാരോടും പറയരുത് , സത്യം ചെയ്യണം . എങ്കിലെ പറയൂ .. ”

ദക്ഷ ഉറച്ച സ്വരത്തോടെ പറഞ്ഞു കൊണ്ട് മുന്നിലേയ്ക്ക് കൈ നീട്ടി …..

ഉടനെ തന്നെ അനുവും അഭിയും കുഞ്ഞുവും കൈകൾ ദക്ഷയുടെ കയ്യുടെ പുറത്ത് വച്ചു …

‘ നന്ദാവനം മന , കൊടുത്ത വാക്ക് പാലിക്കാൻ ജീവൻ കൊടുക്കാനും മടിയില്ലാത്ത കുടുംബ പാരമ്പര്യമുള്ള തറവാട് . ആ തറവാട്ടിലെ ചോരയാ ഞങ്ങൾ സത്യത്തിനും മുകളിലായി ഞങ്ങൾ മൂന്ന് പേരും ചേച്ചിക്ക് വാക്ക് തരുന്നു ചേച്ചി പറയുന്ന കാര്യങ്ങൾ ചേച്ചിയുടെ അനുവാദം ഇല്ലാതെ മറ്റാരും അറിയില്ല ….. ”

അനു ഉറച്ച വാക്കുകളോടെ ദക്ഷയുടെ കണ്ണുകളിൽ നോക്കി പറഞ്ഞു …..

ദക്ഷ പതിയെ ബെഡിലേയ്ക്കിരുന്ന ശേഷം അൽപ്പ സമയം മൗനമായി . അനുവും അഭിയും ശ്രിയയും ദക്ഷയുടെ വാക്കുകൾ കേൾക്കാനായി അക്ഷമരായി നിന്നു ….

അൽപ്പ സമയത്തെ നിശബ്ദതയ്ക്ക് ശേഷം അവൾ പറഞ്ഞു തുടങ്ങി ആദിത്യനാഥിന്റെ ആ പഴയ കാലം , അവന്റെ പ്രതികാരത്തിന്റെ കഥ ….

                    ……………………..

സമയം കടന്നുപോയി ….. ഒടുവിൽ അവൾ വാക്കുകൾ പറഞ്ഞ് അവസാനിപ്പിച്ചപ്പോഴേക്കും ആ മൂവരുടെയും മുഖം സങ്കടത്താലും അതിശയത്താലും നിറഞ്ഞിരുന്നു …..

” ചേച്ചീ ….. ഇതൊക്കെ നടന്നതാണോ …. ? കേട്ടിട്ട് എന്തോ മനസ്സിൽ വല്ലാത്ത വിഷമം പോലെ ….. കേട്ട ഞങ്ങൾക്ക് ഇത്രയും വിഷമം തോന്നിയെങ്കിൽ ആ ചേട്ടൻ എന്ത് മാത്രം വേദനിച്ച് കാണും …. ”

അനു സങ്കടത്തോടെ പറഞ്ഞു ….