✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

” അനു പറഞ്ഞത് പോലെ ഒരിക്കൽ ഒരേ ഒരു പ്രാവശ്യം ആ മുഖം നേരിട്ട് കണ്ടാൽ മതി , ഒരു നന്ദി വാക്ക് പറയാനെങ്കിലും …. എന്നാലും അയാളെന്തിനായിരിക്കും ഈ നാട്ടിലേയ്ക്ക് വന്നത് … ? ”

ദക്ഷ സ്വയം ചോദിച്ചു അപ്പോഴാണ് ടേബിളിന് പുറത്തിരിക്കുന്ന ആ കവർ അവൾ ശ്രദ്ധിച്ചത് …

അവൾ വേഗം ബെഡിൽ നിന്ന് ചാടിയിറങ്ങി ആ കവറ് കയ്യിലെടുത്തു , അവളുടെ കൈകൾ അപ്പോൾ ചെറുതായി വിറയ്ക്കുന്നുണ്ടായിരുന്നു …. അവൾ ആ കവറ് തുറന്ന് ആ പാൻസും ഷർട്ടും പുറത്തേയ്ക്കെടുത്തു , അതിൽ അപ്പോഴും ചെറിയ നനവ് ബാക്കി നിൽക്കുന്നുണ്ടായിരുന്നു …. അൽപ്പനേരം അവൾ അതിലേയ്ക്ക് തന്നെ ഇമ വെട്ടാതെ നോക്കി നിന്ന ശേഷം ആ പാൻസും ഷർട്ടും ടേബിളിന്റെ അടുത്തുള്ള ചെയറിന് പുറത്തായി വിരിച്ചിട്ടു . റൂമിലെ ലൈറ്റ് ഓഫാക്കി ബെഡ് ലാമ്പ് ഇട്ട ശേഷം അവൾ ബെഡിൽ കയറി കിടന്നു …. ബെഡ് ലാമ്പിന്റെ ഇരുണ്ട വെളിച്ചത്തിൽ അവൾ സ്വയം മറന്ന് വിരിച്ചിട്ട ആ വസ്ത്രങ്ങളിലേയ്ക്ക് തന്നെ നോക്കിക്കിടന്നു . നൂല് പൊട്ടിയ ഒരു പട്ടം പോലെ അവൾക്ക് അവളെത്തന്നെ നിയന്ത്രിക്കാൻ കഴിയാതായിക്കഴിഞ്ഞിരുന്നു .

                    ……………………..

ഒരു ദിവസം മുൻപ് …….

….

” ആരാണാവോ ഈ രാത്രി ….. ? ”

കട്ടിലിൽ മയങ്ങിക്കിടന്ന ആന്റണിച്ചായൻ കോളിങ് ബെൽ മുഴങ്ങുന്ന ശബ്ദം കേട്ട് പെട്ടെന്ന് എണീറ്റു .

” ആരാ ഇച്ചായാ ഈ നേരത്ത് …. ? ”

” അറിയില്ല , താനെഴുന്നേൽക്കണ്ട ഞാൻ പോയി നോക്കാം … ”