✮കൽക്കി࿐ (ഭാഗം – 13 ) വിച്ചു [ചെകുത്താനെ സ്നേഹിച്ച മാലാഖ ] 1372

ആന്റണി തന്റെ ഭാര്യയോട് പറഞ്ഞ ശേഷം റൂമിന്റെ വാതിൽ തുറന്ന് പുറത്തേക്കിറങ്ങി …. ശേഷം മുന്നിലെ വാതിൽ തുറന്നു , നിലാവിന്റെ അരണ്ട വെളിച്ചത്തിൽ ഒരു രൂപം പുറത്ത് പുറം തിരിഞ്ഞ് നിൽക്കുന്നത് കണ്ടതും അയാൾ വേഗം വീടിന്റെ മുൻവശത്തെ ലൈറ്റിട്ടു ….

” മോനേ …… ആദീ ….. ? ”

ആ രൂപം വ്യക്തമായതും പതറുന്ന ശബ്ദത്തോടെ അയാൾ വിളിച്ചു ….

” മോനെ ഇത്രയും നാൾ നീ എവിടെയായിരുന്നു , ആരെയും ഒന്നും അറിയിക്കാതെ ഒന്ന് കാണുക പോലും ചെയ്യാതെ നാളെത്രയായി ….. ഹമ് അതൊക്കെ പോട്ടെ , എല്ലാ കണക്കും തീർത്തു അല്ലേ ….. ? ”

ആന്റണി ചോദിച്ചതും അവൻ അതെ എന്ന അർത്ഥത്തിൽ തലയാട്ടി …..

” എന്താടാ ഈ നേരത്ത് , നീ അകത്തേയ്ക്ക് വാ …. ”

ആന്റണി അവനെ ഉള്ളിലേയ്ക്ക് ക്ഷണിച്ചു .

” ഇല്ല അങ്കിളെ , മനസ്സിൽ കുറച്ച് നാളുകളായി ഒരു തോന്നൽ ഇവിടെ നിന്ന് മാറി നിൽക്കണമെന്ന് , എവിടേയ്ക്കോ പോകണമെന്ന് , ആർക്കൊക്കെയോ എന്നെക്കൊണ്ട് ആവശ്യമുണ്ടെന്ന് . എല്ലാം വെറും തോന്നലാകും . പക്ഷെ ഒന്ന് ചിന്തിച്ച് നോക്കിയപ്പോൾ ഒരു യാത്ര അത്യാവശ്യമാണെന്ന് എനിക്കും തോന്നി .

മനസ്സിനെ ഒന്ന് പാകപ്പെടുത്താൻ വേണ്ടി ഒരു യാത്ര . എവിടേയ്ക്കാണെന്നോ എത്ര ദിവസത്തേക്കെന്നോ അറിയില്ല , പക്ഷെ പോണം . അങ്കിളിനെ കണ്ട് യാത്ര പറയണം എന്ന് തോന്നി അതാ രാത്രി തന്നെ വന്നത് .