നിയോഗം 2 Dark World Climax (മാലാഖയുടെ കാമുകൻ) 1918

ഞാൻ ഒരു ബോക്സ് എടുത്തു ഏടത്തിയുടെ കയ്യിൽ കൊടുത്തു.

“ഇതെന്താ വാവേ?”

അവൾ സംശയത്തോടെ എന്നെ നോക്കി..

“തുറന്നു നോക്ക് മടിച്ചി….”

ഞാൻ കവിളിൽ ഒരു കുത്തു വച്ച് കൊടുത്തു.. എന്നെ നോക്കി ചിറി കോട്ടി അവൾ അത് തുറന്നു.. കണ്ണുകൾ വിടർന്നു..
ഡയമണ്ട് നെക്‌ലേസും കമ്മലുകളും ആയിരുന്നു. നക്ഷത്ര ടൈപ്പ് ആണ്. ഏട്ടത്തിക്ക് നന്നായി ചേരും.

“ഇതിന് ഒത്തിരി വില ആയില്ലേ..?”

“വില തിരക്കാൻ നടക്കുന്നു.. ഇത് നോക്ക്.. എങ്ങനെ ഉണ്ട്?”

ഞാൻ ബാഗിൽ നിന്നും തൂവെള്ള അനാർക്കലി ചുരിദാർ എടുത്തു കാണിച്ചു..

“ദേവീ.. സൊ ബ്യൂട്ടിഫുൾ….”

ഏട്ടത്തി അത് നെഞ്ചോടു ചേർത്ത് വച്ചു.. നിറഞ്ഞ കണ്ണുകൾ വച്ച് എന്നെ നോക്കി..

“ഇത്ര പൈസ മുടക്കി എന്തിനാ വാവേ?”

“പണ്ട് കുറെ വാങ്ങി തന്നതല്ലേ? എനിക്ക് വേണ്ടി എത്ര ചീത്ത കേട്ടിരിക്കുന്നു… പിന്നെ ഏട്ടത്തിക്ക് എന്റെ വക വേറെ ഒരു സമ്മാനം കൂടെ ഉണ്ട്…”

“അതെന്താ?”

“ഇത് ഏടത്തിയുടെ ബർത്ത്ഡേയ്ക്ക് കൊണ്ടുവരാം….”

“മറന്നില്ല അല്ലെ..?”

“മറക്കാൻ പറ്റിയ ഒരു മുതൽ… ഒന്ന് പോ ചേച്ചി….”

“ചേച്ചിയോ… “

അവൾ കുടുകുടെ ചിരിച്ചു.. ഞാൻ ബെഡിൽ കിടന്നു ഏടത്തിയുടെ മടിയിൽ തല വച്ചു.
ഏട്ടത്തി എന്റെ മുടിയിൽ കൂടെ സ്നേഹത്തോടെ വിരലുകൾ ഓടിച്ചു.. പണ്ടുതൊട്ടേ ഉള്ള ശീലം ആണ്..

“എന്തൊക്കെ ആണ് അല്ലെ ഏട്ടത്തി നമ്മൾ കടന്നു പോയ കാലം…?”

“മ്മ്മ്… വീട്ടിൽ ഇപ്പോൾ നീയല്ലേ താരം… “

“ഏയ്.. അവർ അതും മറക്കും.. “

“ദേ കിട്ടും ചെക്കാ…”

ഏട്ടത്തി എന്റെ കവിളിൽ പിച്ചി. അപ്പോഴാണ് മീനുവും അർച്ചനയും അങ്ങോട്ട് വന്നത്.. രണ്ടിനും അസൂയ..

“ഇള്ളാകുട്ടി കിടക്കുന്നത് കണ്ടില്ലേ…? “

മീനു അർച്ചനയെ തോണ്ടി..

“നീ പോടീ.. ഇവാൻ എന്റെ കുട്ടി തന്നെ ആണ്…”

ഏട്ടത്തി അവളെ നോക്കി..

“അപ്പൊ ഞാൻ അല്ലെ?”

അവൾ അടുത്ത് വന്നിരുന്നു ഏടത്തിയുടെ തോളിൽ കൈ ഇട്ടു പിടിച്ചു..

“നീയും അതെ.. ഉമ്മ…..”

ഏട്ടത്തി അവൾക്ക് ഒരു ഉമ്മ കൊടുത്തപ്പോൾ അവളുടെ മുഖം തെളിഞ്ഞു. അസൂയ ആണ് പെണ്ണിന്.

മെറിനും ലിസയും അങ്ങോട്ട് വന്നു. രണ്ടുപേരും ചുരിദാർ ആയിരുന്നു വേഷം.. പതിവ് ഇല്ലാത്തതാണ്..
മെറിൻ ഇളം നീല നിറത്തിൽ ഉള്ള ചുരിദാർ.. അവളുടെ സൗന്ദര്യം അത് വല്ലാതെ എടുത്തു കാണിച്ചു.. ലിസ വെളുത്ത ചുരിദാറും..

“ഇതെങ്ങോട്ടാണ് പോകുന്നത്? സുന്ദരികൾ ആയിട്ടുണ്ടല്ലോ…?”

ഞാൻ ഏടത്തിയുടെ മടിയിൽ നിന്നും എഴുന്നേറ്റ് ഇരുന്നു..

“പള്ളിയിൽ പോകുവാണ്.. പോയിട്ട് വരാം….”

മെറിൻ പുഞ്ചിരിച്ചു കൊണ്ട് പറഞ്ഞു..

“ഞങ്ങളും വരട്ടെ? ഞങ്ങളെ അകത്തു കയറ്റുമോ?”

ഞാൻ ചോദിച്ചു..