നിയോഗം 2 Dark World Climax (മാലാഖയുടെ കാമുകൻ) 1911

പുറകിൽ നിന്നും ശബ്ദം… ഞാൻ ഞെട്ടി തിരിഞ്ഞു..

“ങേ.. എന്താ..? ആരാ…?”

“ഇതെന്തു കൂത്ത്? സ്വപ്നം വല്ലതും കണ്ടോ? എന്താ വല്ലാതെ ഇരിക്കുന്നത്?”

അർച്ചന വന്നു എന്റെ കവിളിൽ കൈ വച്ച് നോക്കി…

“ഇല്ല.. ഒന്നും ഇല്ല മോളെ… ഞാൻ വെറുതെ…”

“സമയം 3 മണി കഴിഞ്ഞു.. വന്നേ വന്നു കിടക്ക്…”

അവൾ എന്നെ പിടിച്ചു കൊണ്ടുപോയി ബെഡിൽ കിടത്തി.. അവൾ എന്റെ കഴുത്തിൽ ഉമ്മ വച്ച ശേഷം എന്നെ കെട്ടിപിടിച്ചു കിടന്നു…

പുറകിൽ നിന്നും മീനുവിന്റെ കരങ്ങളും എന്നെ വന്നു പൊതിഞ്ഞു…

അതെ സമയം…. മെയ്‌വൂൺ ഗ്രഹം..

ചിറകുകൾ താഴേക്ക് തൂക്കി ഇട്ടു കാലുകൾ ഇരുമ്പു കൊളുത്തിൽ കൊരുത്ത് തലകീഴായി കിടന്നു ആടുകയായിരുന്നു സ്കാർലെറ്റ്…

അവളുടെ ആട്ടതിന്റെ വേഗത കൂടി കൂടി വന്നു..

“സമയം ആയി റോഷൻ….ഹഹഹഹ.”

അവളുടെ പൊട്ടിച്ചിരി അവിടെ മുഴങ്ങി അലയടിച്ചു…

***

ഞാൻ അപ്പോൾ രണ്ടു സുന്ദരിമാരുടെ ഇടയിൽ അവരുടെ ചൂടിൽ പറ്റിച്ചേർന്നു കിടക്കുകയായിരുന്നു.. ഒരു കൊച്ചു കുഞ്ഞിനെ പോലെ….
എനിക്ക് വേണ്ടതൊക്കെ എനിക്ക് ചുറ്റും ഉണ്ട്.. ജീവൻ തന്നു സ്നേഹിക്കാൻ ആളുകൾ, പണം, കൂട്ടുകാർ, വിളിച്ചാൽ ഓടി വരുന്ന ഡിസംബർ.., റെവൻ… പിന്നെ അങ്ങ് ദൂരെ.. സ്നേഹിക്കാൻ മാത്രം അറിയുന്ന കുറെ ആളുകൾ.. ഓ അത് മറന്നു..

രണ്ടു ദിവസം കഴിഞ്ഞാൽ എന്നെ കൂട്ടിക്കൊണ്ടുപോകാൻ ട്രിനിറ്റി വരും. പോകണം. പിള്ളേർക്ക് ഒരു ബാഗ് നിറയെ ഫുട്ബോൾ വാങ്ങി വെക്കണം.. കുറച്ചു സമ്മാനങ്ങളും…
അതോർത്തപ്പോൾ എന്റെ ചുണ്ടിൽ പുഞ്ചിരി നിറഞ്ഞു…. ആ പുഞ്ചിരിയോട് കൂടെ തന്നെ ഞാൻ മെല്ലെ മയക്കത്തിലേക്ക് വീണു..

The End.