നിയോഗം 2 Dark World Climax (മാലാഖയുടെ കാമുകൻ) 1911

അപ്പോഴേക്കും അവൾ ചായ കൊണ്ടുവന്നിരുന്നു.. മെറിൻ അവളെ ഒന്ന് നോക്കി..

ജ്വലിക്കുന്ന സൗന്ദര്യം.. അവൾ ആ രത്‌നം ധരിച്ചത് കൊണ്ട് ആണ് അവളിൽ ആ മാറ്റം വന്നത് എന്ന് ഇവർ പറഞ്ഞു ധരിപ്പിച്ചിരുന്നു…

അവൾ മെറിന്റെ അടുത്ത് ഇരുന്നു മെറിന്റെ മെടഞ്ഞു മടക്കി വച്ച മുടി മെല്ലെ അഴിച്ചെടുക്കാൻ തുടങ്ങി..

****
മെയ്‌വൂൺ

ഞാൻ ഡിസംബറിന്റെ കൈ പിടിച്ചു നടന്നു വന്നു..

“ഒരു സംശയം….”

അവൾ അത് കേട്ട് ചിരിച്ചു..

“ചോദിക്ക് റോഷൻ…..”

“അവളെ ആ കിരീടം വച്ച് അടിമയാക്കാം എന്ന് പറഞ്ഞില്ലേ? എന്ത് കൊണ്ടാണ് നിങ്ങൾ ആ മാർഗം സ്വീകരിക്കാതെ ഇരുന്നത്?”

“റോഷൻ.. അവൾ എന്റെ സഹോദരി ആണ്.. കൂടാതെ കൃതിരിൻ ബ്രീഡ് ആയി വളരെ അടുപ്പം ഉള്ളവർ ആണ് ഞങ്ങൾ.. അത് ഞങ്ങൾക്ക് ചെയ്യാൻ ആകില്ല.. അവൾ സമ്മതിക്കുകയും ഇല്ല.. മീനാക്ഷി യോഗ്യ ആയില്ലായിരുന്നു എങ്കിൽ.. ഒരു പക്ഷെ ഞങ്ങൾ ആ വഴി തന്നെ ശ്രമിക്കുമായിരുന്നു…, പിന്നെ അതിൽ വേറെ ബുദ്ധിമുട്ടുകൾ കൂടെ ഉണ്ട്…”

അവൾ പറഞ്ഞത് എനിക്ക് മനസിലായി..

“നിനക്ക് അവളെ കാണണ്ടേ?? അവൾ ആരോടും മിണ്ടുന്നില്ല… ഭക്ഷണം പോലും കഴിക്കുന്നില്ല.”

ഡിസംബർ സങ്കടത്തോടെ പറഞ്ഞു.

“എനിക്ക് കാണണം… അവൾ ഇതൊക്കെ ചെയ്തത് എന്നെ കിട്ടാൻ അല്ലെ? നോക്കാം… അവളുടെ മനസ്സിൽ എന്താണെന്നു അറിയണം…”

ഡിസംബർ പുഞ്ചിരിച്ചു… ഞാനും..

ട്രിനിറ്റിയും ഡെൽറ്റയും അവിടെ ഉണ്ടായിരുന്നു.. ഞാൻ അവളുടെ കൈ കോർത്തു പിടിച്ചു നടക്കുന്നത് കണ്ടിട്ടും ട്രിനിറ്റിക്ക് ഒരു അസൂയയും ഇല്ല എന്നുള്ള കാര്യം ഞാൻ ശ്രദ്ധിച്ചു..

“ക്വീൻ നമ്മളെ വിളിച്ചു…”

ഡെൽറ്റ അത് പറഞ്ഞു വണ്ടിയിൽ കയറി.. ഞങ്ങളും അവളുടെ ഒപ്പം കയറി..

ഉടനെ തന്നെ വണ്ടി കൃതിരിൻ ലോകത്തിൽ കൂടി പാലസിലേക്ക് പാഞ്ഞു..

****

മെയ്‌വൂണിൽ തന്നെ കുറച്ചു മാറിയുള്ള ഒരു കെട്ടിടം.. അതിന്റെ ഉള്ളിൽ ഒരു ഇരുമ്പ് സെല്ലിൽ അവൾ ഇരിക്കുകയായിരുന്നു…

സ്കാർലെറ്റ്…

ഒരു കൃതിരിൻ പെണ്ണ് കൊണ്ടുപോയി കൊടുത്ത ഭക്ഷണം അവൾ തട്ടി എറിഞ്ഞു.

“ആരോടാണ് നിന്റെ വാശി? ഭക്ഷണം കഴിക്കു.. മെയ്‌വൂണിൽ ആരും വിശന്ന് ഇരിക്കാൻ പാടില്ല….”

അവൾ മെല്ലെ പറഞ്ഞു..

“പോ ദൂരെ..!!! എനിക്ക് കാണണ്ട ആരെയും…..”

അവൾ അലറിക്കൊണ്ട് ചിറക് വിടർത്തി സ്വയം പൊതിഞ്ഞു നിന്നു..