നിയോഗം 2 Dark World Climax (മാലാഖയുടെ കാമുകൻ) 1918

അവൾ തല കുലുക്കി സമ്മതം അറിയിച്ചു.. ഞാൻ അവളെ നോക്കി പുഞ്ചിരിച്ചു തിരിച്ചു നടന്നു.

ഞാൻ തിരിച്ചു വന്നപ്പോൾ ഡെൽറ്റ ഡോർ ലോക്ക് ചെയ്തു.. ഞങ്ങൾ തിരിച്ചു വന്നു..

“ഇനി എന്താണ് അറിയേണ്ടത്?”

അവൾ ഒരു ചിരിയോടെ ചോദിച്ചു.. എനിക്ക് ഉത്തരങ്ങൾ പറഞ്ഞു തരാൻ ക്വീൻ ഇവളെ ആണ് ഏൽപ്പിച്ചത്.

“മീനു.. അവൾ എങ്ങനെ?”

അത് ചോദിച്ചപ്പോൾ ഡെൽറ്റയുടെ മുഖം മ്ലാനം ആയി.. അവൾ വണ്ടി നിർത്തി എന്നെയും കൊണ്ട് ഒരു മരച്ചുവട്ടിൽ പോയി നിന്നു… വലിയ ഒരു മരം. ഇളം നീല പൂക്കൾ.

അവൾ എന്നെ അവിടെ പിടിച്ചു ഇരുത്തി… അവളും ഒപ്പം ഇരുന്നു.

“ഞാൻ പറയുന്നത് സമാധാനത്തോടെ കേൾക്കുമോ റോഷൻ?”

അവൾ എന്നെ നോക്കി.. ഞാൻ തല കുലുക്കി..

“ഡാർക്ക്… അവൾ ശക്ത ആണ്.. എത്രത്തോളം അവളെ അടിച്ചു തളർത്തിയാലും അവൾ വീണ്ടും പഴയ ശക്തിയിലേക്ക് വരും.. ഒരു തരം സെല്ഫ് ഹീലിംഗ് ബ്രീഡ് ആണ് അവളുടെ…

അവളെ എതിർക്കാൻ മൂന്ന് ബ്രീഡ് ആവശ്യം ആണ്.. ഈ മൂന്ന് പേരും അവരുടെ ഗ്രഹങ്ങളിലെ ഒരു പ്രേതക തരം രത്‌നം തലയിൽ ചൂടി അവളെ എതിർത്താൽ അവളെ പിടിച്ചു വെക്കാൻ കഴിയും. ക്വീനിന്റെ ഉടവാൾ കൊണ്ട് മുറിവേൽപ്പിച്ചാൽ അവളുടെ ശക്തി കുറയും…

അതോടെ അവളെ ഇവിടുത്തെ ഒരു രത്‌നം ദേഹത്ത് ഇട്ടു കൊടുത്താൽ അവളെ ഒതുക്കാം.. ആ രത്‌നം ശരീരത്തിൽ കിടന്നാൽ ആരെയും ഉപദ്രവിക്കാൻ കഴിയില്ല. അതോടെ അവളെ മയക്കി കിടത്തി ഇങ്ങു കൊണ്ടുവരാം.

ഇതായിരുന്നു ഞങ്ങളുടെ പ്ലാൻ.. പക്ഷെ അവൾ അതൊക്കെ തകർത്തു കളഞ്ഞു… അവൾ റെവനെ ആദ്യം കളത്തിൽ നിന്നും മാറ്റി. “

അവൾ പറഞ്ഞു നിർത്തി.. എന്നെ നോക്കി വീണ്ടും തുടർന്നു…

“അതോടെ ഞങ്ങൾ അകെ ആശയകുഴപ്പത്തിൽ ആയി…അവളുടെ മനസ്സിൽ ഉള്ളത് അറിയാൻ ആണ് നിന്നെ അവളുടെ അടുത്തേക്ക് വിട്ടത്…

അവൾ പറഞ്ഞില്ല.. അതോടെ ഞങ്ങൾ വീണ്ടും എന്ത് ചെയ്യണം എന്നറിയാതെ നിന്നു….”

അവൾ എന്നെ നോക്കി.. എന്റെ കൈ പിടിച്ചു.. അവൾ എന്തോ പറയാൻ ബുദ്ധിമുട്ടുന്നു എന്നെനിക്ക് തോന്നി..

“അപ്പോഴാണ് വൈറ്റ് മീനാക്ഷിയെ കാണുന്നത്.. അവൾ കന്യക ആണെന്ന് വൈറ്റ് മനസിലാക്കി…

ഒരു മനുഷ്യസ്ത്രീക്ക് ഈ മൂന്ന് രത്‌നങ്ങൾ അടങ്ങിയ കിരീടം വെക്കാം… പക്ഷെ…
അവൾ വിവാഹിത ആയിരിക്കണം, വിവാഹിത ഉദേശിച്ചത് നിന്റെ ഭാര്യാ അല്ലാതെ വേറെ ആരും നിനക്ക് വേണ്ടി മരിക്കാൻ തയാറാകുമോ എന്നത് കൊണ്ടാണ്.. പിന്നെ കന്യക ആയിരിക്കണം, അവൾ പൂർണ മനസോടു കൂടി മരിക്കാൻ തയാറാകണം, മാനസികമായി ശക്ത ആയിരിക്കണം… പിന്നെ മോർ ഇമ്പോർട്ടന്റ്‌ലി…..”

ഡെൽറ്റ എന്റെ കൈ പിടിച്ചു വച്ചു.. അവളുടെ കൈ വിറക്കുന്നുണ്ടായിരുന്നു..

“മോർ ഇമ്പോർട്ടന്റ്‌ലി.. ഇതൊക്കെ ഒത്തു വന്നാലും അവളുടെ ശരീരത്തിൽ ജീവൻ ഉണ്ടാകാൻ പാടില്ല…രത്‌നങ്ങൾ ശരീരത്തിൽ മുട്ടുമ്പോൾ ഉള്ള അതി ശക്തമായ എനർജി ജീവനുള്ള ഹൃദയം തകർത്തു കളയും”