നിയോഗം 2 Dark World Climax (മാലാഖയുടെ കാമുകൻ) 1918

വളരെ പെട്ടെന്ന് ആണ്.. ചീറി പാഞ്ഞു വന്ന ഒരു ജീപ്പ് കോമ്പസ് അലറി തിരിഞ്ഞു വെടിയുണ്ട പോലെ ഗേറ്റ് കടന്നു വന്നത്..

അത് വെട്ടി തിരിഞ്ഞു വീടിനു മുൻപിൽ പുല്ലിൽ ഒന്ന് ഉരസി നിന്നു..

ഓടി ഇറങ്ങി വന്നത് റോഷൻ ആണ്.. ഫ്രണ്ടിലെ അപ്പുറത്തെ ഡോർ തുറന്നു ഇറങ്ങിയത് കമ്മീഷണർ മെറിൻ തോമസ്… പുറകിൽ നിന്നും വേറെ ഒരാൾ കൂടെ ഇറങ്ങി.. പുതിയ എസിപി മൊണാലിസ…

***

പ്രാന്ത് പിടിച്ചിരുന്നു എനിക്ക്… കയറി ചെന്നപാടെ ഞാൻ നോക്കിയത് എന്റെ ഏട്ടത്തിയെ ആണ്.. കരഞ്ഞു തകർന്നു ഇരിക്കുന്ന അവളെ കണ്ടതും എന്റെ സമനില തെറ്റി..

ഞാൻ ഏടത്തിയുടെ കൈ പിടിച്ചു എഴുന്നേൽപ്പിച്ചു..

“വാവേ….”

അത് വിളിച്ച ശേഷം ഒരു പൊട്ടിക്കരച്ചിലോടെ ഏട്ടത്തി എന്റെ നെഞ്ചിലേക്ക് വീണു അലറി കരഞ്ഞു.. ഞാൻ അവളെ മുറുക്കെ പിടിച്ചു കൊണ്ട് ഏട്ടനെ നോക്കി.. അവൻ തല താഴ്ത്തി..

“ഏട്ടത്തി.. കരയല്ലേ…”

ഞാൻ അവളെ സമാധാനിപ്പിച്ചു..

“ഇങ്ങനെ ഒരു പ്രശ്‌നം ഉണ്ടായിരുന്നു എങ്കിൽ എന്തുകൊണ്ട് എന്നെയോ ബന്ധപ്പെട്ട ആൾകാരെയോ അറിയിച്ചില്ല? ഇന്ന് അവർ ഇവരെയും കൊണ്ട് പോയിരുന്നു എങ്കിൽ? നിങ്ങൾക്ക് ബുദ്ധി ലവലേശം ഇല്ലേ? മകനെ കല്യാണ ദിവസം തല്ലി ഇറക്കി വിടുന്നു.. ഇപ്പോൾ ഇതാ വീട്ടിൽ വന്നു ഗുണ്ടകൾ പെണ്ണുങ്ങളെ അപമാനിച്ചിട്ടും മിണ്ടാതെ നിൽക്കുന്നു.. വാട്ട് ദി ഹെൽ മാൻ?”

മെറിന്റെ ഒച്ച അവിടെ പൊങ്ങി…

“സർ.. അതെ രുദ്രന്റെ മകൻ ആണ്.. എക്സ് മിനിസ്റ്റർ ആയിരുന്ന.. വലിയ ഹോൾഡ് ഉള്ള ആളുകൾ ആണ്.. നിലവിലെ മന്ദ്രി വരെ അയാളുടെ ഡമ്മി ആണ്.. അയാൾക്കെതിരെ ആരും ഒന്നും പറയില്ല.. അതാണ്.. പണം കൊണ്ട് ഇവിടെ ഒരു കാര്യവും ഇല്ല..”

അച്ഛൻ ഉടനെ പറഞ്ഞു.. മെറിൻ ലിസയെ നോക്കി.. അവൾ തല കൊണ്ട് എന്തോ കാണിച്ചു..

“ഏട്ടത്തി… വാ…”

ഞാൻ അവളുടെ കൈ പിടിച്ചു വലിച്ചു.. അവൾ അനുസരണയോടെ എന്റെ ഒപ്പം വന്നു..

“നിന്നെ ഇനി വേറെ വിളിക്കണോ? പോയി കയറടീ വണ്ടിയിൽ….!”

മീനു അവിടെ തന്നെ നിൽക്കുന്നത് കണ്ടപ്പോൾ ഞാൻ അവളോട് ഒച്ച ഇട്ടു.. ഉടനെ അവൾ ഓടി വണ്ടിയിൽ കയറി..

“അല്ല.. എങ്ങോട്ടാ? മോനെ.. നിങ്ങൾ വിചാരിക്കുന്ന ആളൊന്നും അല്ല അത്.. കൊല്ലും അവന്മാർ എല്ലാവരെയും..”

അച്ഛൻ പുറത്തേക്ക് വന്നു..

“അവൻ തൊട്ടത്‌ എന്റെ ഏട്ടത്തിയെ ആണ്.. പിന്നെ ഞാൻ താലി കെട്ടിയ പെണ്ണിനേയും.. ഇതിന് പകരം ചോദിക്കാതിരിക്കാൻ നിങ്ങളുടെ പുന്നാര മകൻ അല്ല ഞാൻ.. “

അത് പറഞ്ഞപ്പോൾ അവർ എന്നെ ദയനീകം ആയി നോക്കി.. അതേപോലെ ഞെട്ടി മീനാക്ഷിയെ കൂടെ ഒന്ന് നോക്കി..

അവരുടെ മറുപടി കാത്തു നിൽക്കാതെ ഞാൻ വണ്ടിയിൽ കയറി.. മെറിനും ലിസയും കയറി..

“അർണോൾഡ് ഹെൽത്ത് ക്ലബ് ആൻഡ് കിക്ക്‌ ബോക്സിങ് സെന്റർ….കൊച്ചി സൗത്ത്…”

ലിസ ഫോണിൽ നോക്കി പറഞ്ഞ ഉടനെ ഞാൻ വണ്ടി കുതിപ്പിച്ചിരുന്നു… ആരും ഒന്നും മിണ്ടിയില്ല.. രാത്രിയിലെ തിരക്കിലൂടെ വണ്ടി കുതിച്ചു പാഞ്ഞു…