നിയോഗം 2 Dark World Climax (മാലാഖയുടെ കാമുകൻ) 1918

“നിന്നെയും അടിച്ചില്ലേ മോളെ.. എനിക്ക്… മരിച്ചാൽ മതി എന്ന് തോന്നുന്നു..
എന്റെ മാനത്തിന് അല്ലെ മോളെ വില പറഞ്ഞത്? ഇങ്ങനെ ഒരു അവസ്ഥ എനിക്ക് വരില്ലായിരുന്നു ഏട്ടൻ ഞങ്ങൾ പറഞ്ഞത് കേട്ടിരുന്നു എങ്കിൽ….”

അവൾ വാ പൊത്തി കരഞ്ഞു.. മീനു അവളുടെ മുഖം തുടച്ചു..

“അബദ്ധം ഒന്നും ചിന്തിക്കരുത്.. അവനെ നമ്മുടെ കാൽച്ചുവട്ടിൽ കൊണ്ടുവരും…”

അവൾ പല്ലു കടിച്ചു പറഞ്ഞു.. ശില്പ കരച്ചിൽ നിർത്തി അവളെ നോക്കി..

“അതെ ഏട്ടത്തി..ഇപ്പൊ വരാം…”

അവൾ ശിൽപയുടെ നെറ്റിയിൽ ഉമ്മ വച്ച് പുറത്തേക്ക് പോയി..

ഹാളിൽ..

“അവനുമായി കൂട്ടുകെട്ട് വേണ്ട എന്ന് പറഞ്ഞതല്ലേ ഞാൻ? ബിസിനസ് ഒക്കെ അവസാനിപ്പിക്കാം എന്ന് പറഞ്ഞപ്പോൾ നീയെന്താ പറഞ്ഞെ ഇതൊക്കെ സ്വയം ചെയ്തോളാം എന്ന്! അവസാനം ഇതാ നിന്റെ ഭാര്യക്ക് വില പറഞ്ഞു പോയിരിക്കുന്നു.. അനുഭവിക്കും നമ്മൾ ഒക്കെ… എന്ത് വിറ്റു തുലച്ചിട്ട് കൊടുക്കാൻ ആണ് 33 കോടി?

അവളെ എങ്ങോട്ടെങ്കിലും മാറ്റ്.. ഇവിടെ പോലീസിനെ കൊണ്ട് കാര്യം ഉണ്ടോ എന്ന് സംശയം ആണ്.. അവന്റെ അച്ഛൻ രാഷ്ട്രീയ തലത്തിൽ വളരെ ഉയരെ ആണ്…ഗുണ്ടകൾ ആണ് എല്ലാം…”

അച്ഛൻ തളർന്നു നിലത്തു ഇരുന്നു.. ഏട്ടന് മറുപടി ഉണ്ടായിരുന്നില്ല..

“കുടുംബം വിറ്റു വഴിയിൽ ഇറങ്ങേണ്ടി വരുമോ ദൈവമേ? ആ പെൺകുട്ടികൾ അതിന്റെ ഇടക്ക്.. “

അമ്മയും വിലപിച്ചു അവിടെ ഇരുന്നു..

“ഇനി എന്ത് ചെയ്യും അച്ഛാ? “

ഏട്ടൻ തകർന്നു കരഞ്ഞു കൊണ്ട് അച്ഛനോട് ചോദിച്ചു..

“ഒരു മകൻ കൂടി ഇല്ലേ നിങ്ങൾക്ക്? ഇറക്കി വിട്ടതാണെങ്കിലും?”

മീനുവിന്റെ ശബ്ദം അവിടെ മുഴങ്ങിയപ്പോൾ അവർ തലപൊക്കി നോക്കി..

“അവൻ വിചാരിച്ചാൽ എന്ത് നടക്കാൻ ആണ് മോളെ? മന്ദ്രിമാരെ വരെ നിയന്ദ്രിക്കുന്നവർ ആണ്.. പട്ടാപ്പകൽ ഒരു പെണ്ണിനെ പിടിച്ചു കൊണ്ടുപോയി.. അതും ഇവിടുത്തെ ഒരു വകീലിന്റെ മോളെ.. ആരും ചോദിച്ചു കൂടി ഇല്ല.. അയാളെ കുടുംബം അടക്കം കൊന്നു കെട്ടിത്തൂക്കി.. അത്രക്ക് ദുഷ്ട്ടന്മാർ ആണ് അവർ…”

അച്ഛൻ മുഖം പൊത്തി ഇരുന്നു.. മീനു ഒന്ന് ചിരിച്ചു. അവൾ ഫോൺ എടുത്തു ഡയല് ചെയ്തു ചെവിയിൽ വച്ചു..

“റോഷു …..?”

***

ഫോൺ റിങ് ചെയ്തത് ആണ് എന്നെ ഉറക്കത്തിൽ നിന്നും ഉണർത്തിയത്.. സമയം 7 മണി.. മീനു ആണ് വിളിക്കുന്നത്..

ഞാൻ ഫോൺ എടുത്തു….

“റോഷു……?.”

അവളുടെ പതിഞ്ഞ സ്വരം…….

“എന്താടീ?”

ഞാൻ തിരിച്ചു ചോദിച്ചു…

*****

അച്ഛൻ, ഏട്ടൻ, അമ്മ ഏട്ടത്തി മീനു… ഇവർ എല്ലാവരും വരാന്തയിൽ ഉണ്ടായിരുന്നു.. വല്ലാത്ത വിഷമത്തിൽ ആയിരുന്നു എല്ലാവരും.. മീനു ഒഴികെ.. അവളുടെ കണ്ണിൽ പക ആയിരുന്നു..