✮കൽക്കി࿐ (ഭാഗം – 21 ) വിച്ചു [ചെകുത്താനെ സ്നേഹിച്ച മാലാഖ ] 832

ലക്ഷ്യം , ലക്ഷ്യം മാത്രമാണ് എനിക്ക് പ്രധാനം . അവിടെ കിടന്ന് ചോര വാർന്ന് ചാവാനാ നിന്റെ വിധി . രക്ഷിക്കാൻ ആരും വരില്ല . ഒന്നുകിൽ ഏതെങ്കിലും കാട്ടുമൃഗം ആഹാരമാക്കും , ഇനി അഥവാ ചത്തില്ലെങ്കിൽ അൽപ്പം പ്രാണനെങ്കിലും ബാക്കി നിന്നാൽ ഞാനത് തിരികെ വരുമ്പോൾ എടുത്തോളാം …. ”

ഒരു അട്ടഹാസത്തോടെ പറഞ്ഞു കൊണ്ട് രണദേവ് തന്റെ കുതിരയെ വേഗത്തിൽ മുന്നോട്ട് പായിച്ചു ആ ഭൂപട ചിത്രവും നോക്കിക്കൊണ്ട് .

                    ……………………..

മലകളും പുഴകളും പാറക്കെട്ടുകളും മറികടന്ന് ആ വനാന്തരത്തിലൂടെ നരസിംഹന്റെ യാത്ര തുടർന്നു കൊണ്ടേയിരുന്നു … ഒടുവിൽ ബാവ പറഞ്ഞ സൂചനകൾ വച്ച് അവൻ ആ ഗുഹയ്ക്ക് മുന്നിലെത്തി . കാളീയഗുഹ – വൈകുണ്ഡ പുരിയിലെ നാടോടിക്കഥകളിൽ ആരോ കൂട്ടിച്ചേർത്ത ആരേയും ഭയപ്പെടുത്തുന്ന ഒരു ഇരുണ്ട ഗുഹ . വൈകുണ്ഡ പുരിയിലെ ജനങ്ങളുടെ മനസ്സിൽ കേട്ടുകേൾവിയിലൂടെ മാത്രം ഭയം വിതച്ച ഒന്നായിരുന്നു എവിടെയാണ് എന്നു പോലുമറിയാത്ത കാളീയ ഗുഹയും അതിനുള്ളിലെ കാളീയനും ….

മലമുകളിലെ ആ ഗുഹയുടെ മുന്നിലെത്തിയതും നരസിംഹൻ കർണന്റെ പുറത്ത് നിന്ന് താഴേയ്ക്ക് ചാടിയിറങ്ങി ….

” കർണ്ണാ നീ വരണ്ട , ഞാൻ ഒറ്റയ്ക്ക് ബാവ അങ്ങനെയാ പറഞ്ഞത് … നീ ഇവിടെ നിന്ന് മാറി നിന്നോ , തൽക്കാലം ഇവിടെ നിൽക്കണ്ട …. ഇനി അഥവാ ഞാൻ മടങ്ങിയെത്താൻ ഏറെ വൈകിയാൽ നീ തിരികെപ്പോയേക്കണം നാട്ടിലേയ്ക്ക് …. ”

നരസിംഹൻ പറഞ്ഞതും കർണൻ തന്റെ മുഖം അവന്റെ നെഞ്ചിൽ മുട്ടിച്ച് ഉരച്ചു …