✮കൽക്കി࿐ (ഭാഗം – 21 ) വിച്ചു [ചെകുത്താനെ സ്നേഹിച്ച മാലാഖ ] 830

പെട്ടെന്ന് ,

ആ ചുവന്ന പ്രകാശത്തിന്റെ ശക്തി വർദ്ധിക്കാൻ തുടങ്ങി , മുന്നോട്ട് നോക്കാൻ പോലും കഴിയാതെ കണ്ണിന് അസഹനീയമായി തോന്നിയതും നരസിംഹൻ കണ്ണുകൾ മറുക്കിയടച്ചു . പക്ഷെ എന്നിട്ടും അതിന്റെ തീവ്രത വ്യക്തമായി അറിയാം . ഒരു തീഗോളത്തിന് മുൻപിൽ നിൽക്കുന്നത് പോലെ …

പതിയെ ആ പ്രകാശം കുറഞ്ഞ് തുടങ്ങി , അതിന്റെ തീവ്രത കുറഞ്ഞു എന്ന് തോന്നിയതും അവൻ മെല്ലെ കണ്ണുകൾ തുറന്നു നോക്കി ….

അതിശയം കൊണ്ട് അവന്റെ കണ്ണുകൾ വിടർന്നു … അവൻ പതിയെ അവളുടെ ഇടത് നെഞ്ചിൽ കൈ വച്ച് നോക്കി താൻ അവിടെ വച്ച ആ ഇന്ദ്രജാലക്കല്ല് ഇപ്പോൾ കാണാനില്ല .
അതവനെ അൽഭുതപ്പെടുത്തി . ഒടുവിൽ അവന് ഒരു കാര്യം വ്യക്തമായി ഇന്ദ്രജാലക്കല്ലിന്റെ ശക്തിയല്ല മറിച്ച് അത് സ്വയം അവളുടെ പ്രാണനുമായി അലിഞ്ഞ് ചേർന്നിരിക്കുന്നു , അവൾക്ക് ജീവൻ നിലനിർത്താനായി , അവളുടെ ജീവനായി .

അവൻ സൂക്ഷിച്ച് നോക്കി അവളുടെ മുഖത്തെ തേജസ്സും പ്രകാശവുമൊക്കെ തിരികെ വന്നിരിക്കുന്നു , ശരീരം മുഴുവൻ പഴയ സ്ഥിതിയിലായിരിക്കുന്നു .

പെട്ടെന്ന് ….

മിഴികൾ പതിയെ ചിമ്മിക്കൊണ്ട് അവൾ കണ്ണുകൾ തുറക്കാനൊരുങ്ങി , അത് കണ്ട നരസിംഹൻ വേഗം തന്നെ തന്റെ മുഖം തുണി കൊണ്ട് മറച്ച ശേഷം അൽപ്പം പുറകിലേയ്ക്ക് നീങ്ങി തല വണങ്ങി നിന്നു ഒരു അംഗരക്ഷകനെപ്പോലെ …

തുടരും …

ഈ ഭാഗം ഇഷ്ട്ടമായെങ്കിൽ പോകുന്നതിനു മുൻപ് ഇതൊന്ന് ❤️ ചുവപ്പിച്ചേക്കണേ ….. നിങ്ങളുടെ വിലപ്പെട്ട അഭിപ്രായങ്ങൾ ✍️കമന്റായും പ്രതീക്ഷിക്കുന്നു .

സ്നേഹത്തോടെ ….,

വിച്ചു