✮കൽക്കി࿐ (ഭാഗം – 21 ) വിച്ചു [ചെകുത്താനെ സ്നേഹിച്ച മാലാഖ ] 831

മഹാരാജൻ സങ്കടം കലർന്ന സ്വരത്തിൽ പറഞ്ഞു , റാണിയും തൊട്ടടുത്ത് തന്നെ സങ്കടത്തോടെ നിൽക്കുകയാണ് .

” അങ്ങയുടെ വാക്കുകൾ അക്ഷരം പ്രതി ഞാൻ അനുസരിക്കും തിരുമനസ്സേ . ഞാൻ പോയി വരാം . അനുവാദം തന്നാലും … ”

തലവണങ്ങി നിന്ന് രാജനോട് പറഞ്ഞ ശേഷം ആ ചെറുപ്പക്കാരൻ പുറത്തേയ്ക്ക് നടന്ന് നീങ്ങി .

( ഇന്ദ്ര സേനൻ – ചേകവർ കുടംബത്തിലെ ഇപ്പോഴത്തെ ചേകവർ , ഒരു രീതിയിൽ നരസിംഹന്റെ അനുജൻ . നരസിംഹന്റെ ജനന ശേഷം അവനെ നശിപ്പിക്കാൻ കോരനെ ഏൽപ്പിച്ചിട്ട് ചേകവർ കുടുംബത്തിലെ അപ്പോഴത്തെ കാരണവർ ഒരു വർഷത്തിന് ശേഷം നരസിംഹന്റെ അമ്മയെ മറ്റൊരു വിവാഹം കഴിപ്പിച്ചു , അതും പുറം ദേശത്തെ ഒരു വീരനെക്കൊണ്ട് … ശങ്കരരാജനെന്ന തന്റെ പിതാവിന്റെ ഭീഷണിക്ക് വഴങ്ങി അവളന്ന് ആ വിവാഹത്തിന് സമ്മതിച്ചു . അങ്ങനെ വിവാഹ ശേഷം അവൾക്ക് ജനിച്ച പുത്രനാണ് ഇന്ദ്രസേനൻ . )

കൊട്ടരത്തിന് പുറത്തെത്തിയ ഇന്ദ്രസേനൻ തന്റെ കുതിരയുടെ പുറത്തേയ്ക്ക് ചാടിക്കയറി , കടിഞ്ഞാണിൽ പിടി മുറുക്കി അവൻ കൊട്ടാര കവാടവും കടന്ന് മുന്നോട്ട് കുതിച്ചു , ആ ഭൂപട ചിത്രത്തിലെ സ്ഥലം തേടി ….

കൊട്ടാരത്തിന്റെ കവാടവും കടന്ന് മുന്നിലേയ്ക്ക് കുതിയ്ക്കുന്ന ഇന്ദ്ര സേനനെ നോക്കി അൽപ്പം ദൂരെയായി ഇരട്ടിന്റെ മറവിൽ മരത്തിന്റെ കീഴിലായി ഒരാൾ നിൽപ്പുണ്ടായിരുന്നു . കറുത്ത വസ്ത്രവും മുഖം മൂടിയും ധരിച്ച അരയിൽ ആയുധം ഏന്തിയ ഒരാൾ , ആത്രേയന്റെ എന്തിനും പോന്ന ആ ശിഷ്യൻ . ശിശ്യന്മാരിൽ കേമൻ , പകർന്ന നൽകിയ ഏതടവും അതു പോലെ സ്വായക്തമാക്കിയവൻ – രണദേവ്