✮കൽക്കി࿐ (ഭാഗം – 21 ) വിച്ചു [ചെകുത്താനെ സ്നേഹിച്ച മാലാഖ ] 831

” അതെ …. ഞാൻ കൊട്ടാരത്തിൽ വേലയ്ക്ക് വന്നിട്ട് രണ്ട് നാൾ ആകുന്നതേ ഉള്ളൂ … പരിചയക്കുറവുണ്ട് … രാജ്ഞിക്ക് കൊടുക്കാനുള്ള ആഹാരമാണ് , കുമാരിയുടെ അറ ഏതാണെന്ന് ഒന്ന് പറഞ്ഞ് തന്നാൽ … ”

നരസിംഹൻ അടുത്ത സൂത്രം പ്രയോഗിച്ചു ….

” മുന്നോട്ട് ചെന്ന് വലത് തിരിഞ്ഞ് ആദ്യത്തെ അറ . അതാണ് കുമാരിയുടേത് …. ”

ആ കാവൽക്കാരൻ ഉടനെ പറഞ്ഞതും അയാൾക്ക് നന്ദിയും പറഞ്ഞ് അവൻ അയാൾ പറഞ്ഞ ദിശയിലേയ്ക്ക് നീങ്ങി , ആ അറയുടെ മുന്നിലായി എത്തിയതും …

” മഹാറാണറിക്ക് നൽക്കാനുള്ള ആഹാരമാണ് … ”

അവനത് പറഞ്ഞതും അതിലെ ഒരു കാവൽക്കാരൻ പതിയെ അറയുടെ വാതിലിൽ മുട്ടി . കുറച്ചു കഴിഞ്ഞതും , ഉള്ളിലുണ്ടായിരുന്ന റാണി വന്ന് വാതിൽ തുറന്നു . കുമാരിക്ക് അസുഖം ബാധിച്ചതിനാൽ കുമാരിയുടെ തോഴിമാരെയൊക്കെ ഒഴിവാക്കി രാജ്ഞി നേരിട്ട് തന്റെ പുത്രിയെ ശുശ്രൂഷിക്കാൻ ആ അറയിലിരിക്കുകയായിരുന്നു .

” മ് ….. എന്താ … ? ”

അൽപ്പം തുറന്ന വാതിലിലൂടെ റാണി പുറത്തേയ്ക്ക് നോക്കി നിന്ന് ചോദിച്ചു .

” അത് അവിടുത്തേയ്ക്കുള്ള ആഹാരം കൊണ്ടുവന്നിട്ടുണ്ട് . ”

നരസിംഹൻ താഴ്ന്ന സ്വരത്തിൽ പറഞ്ഞു …

” അതിന് ഞാനൊന്നും പറഞ്ഞില്ലല്ലോ , എനിക്ക് ഒന്നും വേണ്ട .. ”

റാണി സങ്കടം നിറഞ്ഞ സ്വരത്തിൽ ഉടനെ പറഞ്ഞു …

” അത് . ചിലപ്പൊ മഹാരാജൻ പറഞ്ഞിട്ടുണ്ടാകും . പിന്നെ ഭക്ഷണമല്ലേ …. അത് മടക്കി കൊണ്ട് പോയാൽ . ഞാൻ അകത്തേക്ക് വയ്ക്കാം . അവിടുന്ന് കഴിച്ചില്ലെങ്കിൽ അൽപ്പം കഴിഞ്ഞ് മടക്കിക്കൊണ്ട് പോവാം … ”

നരസിംഹൻ പറഞ്ഞതും …