✮കൽക്കി࿐ (ഭാഗം – 21 ) വിച്ചു [ചെകുത്താനെ സ്നേഹിച്ച മാലാഖ ] 831

പറ ബാവ ഒരു പ്രതിവിധിയില്ലേ അവളെ രക്ഷിക്കാൻ , ബാവ പറയാറുള്ളതല്ലേ ഏതൊരു പ്രശ്നത്തിനും പരിഹാരമുണ്ടാകുമെന്ന് അപ്പൊ ഈ പ്രശ്നത്തിനും പരിഹാരം കാണില്ലേ … പറ ബാവ ഒന്ന് പറഞ്ഞ് താ …. ഇല്ലെങ്കിൽ എനിക്ക് ചിലപ്പൊ ഭ്രാന്ത് പിടിക്കും …. ”

നിറകണ്ണുകളോടെ ഒരു തരം ഭ്രാന്തമായ അവസ്ഥയിൽ അവൻ ചോദിച്ചു …

” മോനെ നീ കരയാതെ . ബാവ എന്ത് ചെയ്യാനാ ? എല്ലാം വിധിയല്ലേ …. ”

ഇതെല്ലാം കണ്ട് നിന്ന ജാനകി വിഷമത്തോടെ പറഞ്ഞു , ആര്യനാകട്ടെ ഒന്നും പറയാനാകാതെ നിറകണ്ണുകളോടെ നോക്കി നിൽക്കുകയാണ് …

” ഉണ്ട് മോനെ . ഒരു പ്രതിവിധി മാത്രം . ”

മൗനമായിരുന്ന ബാവ പെട്ടെന്നത് പറഞ്ഞതും എല്ലാവരുടെയും മുഖത്ത് ഒരു അൽഭുതം വന്ന് നിറഞ്ഞു .

” എന്താ ബാവ അത് … വേഗം പറ …. ”

നരസിംഹൻ ആവേശത്തോടെ ചോദിച്ചു …

” ഇന്ദ്രജാലക്കല്ല് . അതിന് മാത്രമേ ഇനി കുമാരിയെ രക്ഷിക്കാൻ കഴിയൂ … പക്ഷെ അതത്ര എളുപ്പമല്ല , തേടിപ്പോകുന്നവന് ചിലപ്പൊ തന്റെ ജീവൻ പോലും നഷ്ടമായേക്കാം . ഇനി അത് കിട്ടിയാൽ തന്നെ ശരിയായ രീതിയിൽ പ്രയോഗിച്ചില്ലെങ്കിൽ പ്രയോഗിക്കുന്നവന്റെ ജീവൻ തന്നെ ബലി കൊടുക്കേണ്ടി വരും . ഇരുവായ് തലയുള്ള വാളു പോലെയാണത് , ഉന്നം പിഴച്ചാൽ വീശുന്നവന്റെ തല നിലത്ത് പതിക്കും …. ”

ബാവ പറഞ്ഞു , അത് കേട്ടതും എല്ലാവരിലും അതിശയം നിറഞ്ഞു .

” അതെവിടെയാ ബാവ ഒന്ന് പറ , എത്ര ദൂരത്താണെങ്കിലും എത്ര കഷ്ടപ്പെട്ടിട്ടാണെങ്കിലും ഞാനത് കണ്ടുപിടിക്കും കുമാരിയുടെ ജീവൻ രക്ഷിക്കും …. ”