??അവൾ രാജകുമാരി-13?? [ ചെകുത്താനെ സ്നേഹിച്ച മാലാഖ ] 509

” ആ ……… ”

ആത്രേയൻ വേദന കൊണ്ട് ഉറക്കെ നിലവിളിച്ചു

” പിതാവേ …… ”

ഇത് കണ്ട അഗ്നിമിത്രൻ ഉറക്കെ വിളിച്ചു കൊണ്ട് നിലത്ത് നിന്ന് എണീറ്റ് ആദിത്യന് നേരെ തിരിഞ്ഞു .

ആഴത്തിൽ വയറിലുണ്ടായ മുറിവ് അവന്റെ ശരീരത്തെ പൂർണ്ണമായും തളർത്തി …. എഴുന്നേറ്റ് നിൽക്കാൻ പോലും സാധിക്കാതെ ആദിത്യൻ പതിയെ നിലത്തേയ്ക്ക് വീണു …

” …….. ടാ ….. ”

തന്റെ പിതാവിന്റെ കൈ ഛേദിച്ചത് കണ്ട അഗ്നിമിത്രൻ ഓടി വന്ന് നിലത്ത് വീണ് കിടന്ന ആദിത്യന്റെ വയറ്റിലേയ്ക്ക് വീണ്ടും വാൾ കുത്തിയിറക്കി …
ഇത്തവണ ആദിത്യന് ഒന്ന് നിലവിളിക്കാൻ പോലും സാധിച്ചില്ല അവൻ അപ്പോഴേയ്ക്കും പകുതി മരിച്ച് കഴിഞ്ഞിരുന്നു ….

” കുമാരാ പ്രഭുവിന് വേഗം വൈദ്യസഹായം ലഭ്യമാക്കണം …. ”

അതിലെ ഒരു സേവകൻ പറഞ്ഞു … അവർ മൂവരും ചേർന്ന് വേദന കൊണ്ട് അലമുറയിട്ട് കരയുന്ന ആത്രേയനെ പൊക്കിയെടുത്ത് വേഗം വനത്തിന് പുറത്തേയ്ക്ക് നടന്നു …..

നിലത്ത് ജീവന് വേണ്ടി പിടയുന്ന ആദിത്യനെ നോക്കിയശേഷം അവന്റെ കയ്യിലിരുന്ന വാൾ അഗ്നിമിത്രൻ പിടിച്ച് വാങ്ങി .

” ഒരുമിച്ച് ജീവിക്കാൻ കൊതിച്ചതല്ലേ നിങ്ങൾ …. പക്ഷെ ഒന്നിച്ചുള്ള മരണം ഞാൻ സമ്മാനിക്കുന്നു …. ”

അഗ്നി മിത്രൻ ദേഷ്യത്തോടെ നിലത്ത് കിടക്കുന്ന ആദിത്യനെ നോക്കി പറഞ്ഞു , എന്നിട്ട് അവൻ തിരികെ വനത്തിന് പുറത്തേയ്ക്ക് നടന്നു ……