??അവൾ രാജകുമാരി-13?? [ ചെകുത്താനെ സ്നേഹിച്ച മാലാഖ ] 509

” ചന്ദ്രവംശത്തിലെ പെണ്ണിനെ തന്നെ വേണമല്ലേ നിനക്ക് …… പക്ഷെ ഞങ്ങൾക്കാവശ്യം നിന്റെ കയ്യിലെ ആ ആയുധവും രുദ്രാക്ഷമാലയുമാണ് …. പിന്നെ നിന്റെ ജീവനും …. അഗ്നിമിത്രാ …..”

ആത്രേയൻ ഉറക്കെ വിളിച്ച് ……

അഗ്നിമിത്രൻ തന്റെ പിതാവിന്റെ മുഖത്തേയ്ക്കും നിലത്ത് അർദ്ധപ്രാണനോടെ മരണത്തോട് മല്ലിടുന്ന അവന്തികയെയും നോക്കി ….

” പുത്രാ….. നിന്നെ ഇഷ്ടമില്ലാത്ത ഇവളെ കുറിച്ച് നീ ആലോചിക്കണ്ട …. അവളും ഇവനോടൊപ്പം ഇവിടെ കിടന്ന്തന്നെ മരിക്കട്ടെ ….. നമ്മുടെ ലക്ഷ്യം അതിനെ കുറിച്ച് മാത്രം നീ ചിന്തിച്ചാൽ മതി …. ”

ആത്രേയൻ ദേഷ്യത്തോടെ പറഞ്ഞു …

ഉടനെ തന്നെ ആദിത്യൻ പതിയെ വേച്ച് വേച്ച് നിലത്ത് നിന്ന് എണീറ്റു . ഒരു പുഞ്ചിരിയോടെ മുന്നിൽ നിൽക്കുന്നവരെ നോക്കിയ ശേഷം അവൻ തന്റെ കയ്യിലിരുന്ന രുദ്രാക്ഷമാല മുകളിലേയ്ക്ക് വലിച്ചെറിഞ്ഞു …..

” ……… ക്ലീ …………….. ക്ലീ …………….. ക്ലീ …….. ”

മുകളിലൂടെ പറന്നു വന്ന കഴുകൻ ആദിത്യൻ മുകളിലേയ്ക്കെറിഞ്ഞ രുദ്രാക്ഷമാല കാലിൽ കോർത്തെടുത്ത് ദൂരേയ്ക്ക് പറന്നകന്നു …

” ……ടാ…. ”

ഇത് കണ്ട അഗ്നിമിത്രൻ ദേഷ്യംപൂണ്ട് ആദിത്യന്റെ ദേഹത്ത് ആഞ്ഞ് ചവിട്ടി , അവൻ പുറകിലേയ്ക്ക് മറിഞ്ഞ് വീണു ….

അഗ്നിമിത്രൻ വേഗം നിലത്ത് വീണ് കിടക്കുന്ന ആദിത്യന്റെ കയ്യിൽ നിന്നും ആ വാൾ പിടിച്ച് വാങ്ങാൻ നോക്കി പക്ഷെ ആദിത്യൻ ആ വാളിൽ ശക്തിയായി മുറുക്കെ പിടിച്ചിരുന്നു …