💞💞അവൾ രാജകുമാരി-13💞💞 [ ചെകുത്താനെ സ്നേഹിച്ച മാലാഖ ] 509

കുറച്ച് ദൂരം മുന്നോട്ട് പോയതും ആ വനപ്രദേശം അവസാനിച്ചു …. അതും പിന്നിട്ട് മുന്നോട്ട് പോയതും മുന്നിലെ കാഴ്ച കണ്ട് അവൻ ഒന്ന് ഞെട്ടി …… ദിവസങ്ങൾക്ക് മുൻപ് താൻ വന്ന് നിന്ന അതേ സ്ഥലത്ത് തന്നെ വീണ്ടും വന്നിരിക്കുന്നു…. ആ ഇരുൾ മൂടിയ വനത്തിന്റെ അതിർത്തി പ്രദേശത്ത് …..

” അന്ന് ഇവിടുന്ന് തിരിച്ച് പോയപ്പോൾ ഈ വനത്തിന്റെ ഇരുണ്ട ഭാവം മാറിയതായിരുന്നു … പക്ഷെ ഇപ്പോൾ ഇതാ പഴയതു പോലെ … ”

ആദിത്യൻ അതും മനസ്സിൽ വിജാരിച്ചു കൊണ്ട് ഒരു ഞെട്ടലോടെ ചുറ്റും നോക്കി ….. അവനപ്പോഴും ആശയ കുഴപ്പത്തിലായിരുന്നു തനിക്ക് ചുറ്റും എന്താണ് നടക്കുന്നത് എന്നറിയാതെ ……

“…..ക്ലീ ……… ക്ലീ ……… ക്ലീ ……… ക്ലീ ……… ”

കഴുകൻ ശബ്ദിച്ചുകൊണ്ട് വനത്തിനുള്ളിലേയ്ക്ക് പറന്ന് നീങ്ങി , അത് അവനുള്ള ഒരു മുന്നറിയിപ്പായിരുന്നു . അത് മനസ്സിലായതും ആദിത്യൻ അതിവേഗം ആ ഇരുൾ നിറഞ്ഞ വനത്തിനുള്ളിലേയ്ക്ക് പ്രവേശിച്ചു .

അന്ന് ആദിത്യൻ ഈ ഇരുൾ നിറഞ്ഞ വനത്തിലേയ്ക്ക് വന്നത് സൂര്യഗിരിയുടെയും ചന്ദ്രമംഗലത്തിന്റെയും അതിർത്തി പ്രദേശത്ത് കൂടെയായിരുന്നു ….. എന്നാൽ ഇന്ന് എത്തിപ്പെട്ടത് ചന്ദ്രമംഗലത്തിലെ വനം വഴി ചുറ്റി സഞ്ചരിച്ചും .

സമയം കടന്നുപോയി പ്രഭാത സൂര്യൻ കിഴക്ക് ഉദിച്ചുവെങ്കിലും ആ വനത്തിനുള്ളിൽ ഒരു തരം
പൈശാചികത നിറഞ്ഞ അരണ്ട വെളിച്ചം മാത്രമേ ഉണ്ടായിരുന്നുള്ളൂ ….. സൂര്യ പ്രകാശത്തെ പോലും ആ വനത്തിനുള്ളിലേയ്ക്ക് പതിക്കാതെ ഏതോ ശക്തി തടഞ്ഞ് നിർത്തിയ പോലെ …..