💞💞അവൾ രാജകുമാരി-13💞💞 [ ചെകുത്താനെ സ്നേഹിച്ച മാലാഖ ] 509

“……. മ് ……. ”

ആത്രേയൻ തന്റെ സേവകർക്ക് ആജ്ഞ നൽകി .
ഉടനെ അവർ നിലത്ത് കിടന്ന ആദിത്യനെ ബലമായി പിടിച്ച് ഉയർത്തിയ ശേഷം അവനെ അനങ്ങാനാകാത്ത വിധം പിടിച്ചു നിർത്തി …… അവന്റെ ഇരുകൈകളും ഇരുവശത്ത് നിന്ന് രണ്ടുപേർ ബലമായി വലിച്ച് പിടിച്ചു , ഒരാൾ പുറകിൽ നിന്ന് തന്റെ കൈ ആദിത്യന്റെ കഴുത്തിലൂടെ ചുറ്റി പിടിച്ചു .

” നിന്റെ ശരീരത്തിൽ ജീവനുള്ള സമയം വരയല്ലേ ഈ ആയുധത്തെ നീ സംരക്ഷിക്കൂ ….. ഇനി നീ അതിനെ സംരക്ഷിക്കണ്ട . ….”

അഗ്നിമിത്രൻ ദേഷ്യത്തോടെ അത്രയും പറഞ്ഞ് തന്റെ കയ്യിലിരുന്ന വാൾ ആദിത്യന്റെ വയറ്റിലയ്ക്ക് കുത്തിയിറക്കി .

“…….. ആ ……. ”

ആദിത്യൻ വേദന കൊണ്ട് ഉറക്കെ നിലവിളിച്ചു …..

ആ വേദനയിലും ആദിത്യൻ തന്റെ സർവ്വ ശക്തിയും എടുത്ത് തന്നെ ബന്ധിയാക്കി പിടിച്ച് നിർത്തിയിരുന്ന മൂന്ന് പേരെയും ദൂരേയ്ക്ക് വലിച്ചെറ്റഞ്ഞു ….. എന്നിട്ട് മുന്നിൽ നിൽക്കുന്ന അഗ്നിമിത്രന്റെ നെഞ്ചിൽ ചവിട്ടി അവനെയും തള്ളിയിട്ടു …..

” ……. ടാ ….. ”

ഇത് കണ്ട് ആത്രേയൻ തന്റെ ഉടവാളുമായി ആദിത്യന് നേരെ ഓടി വന്നു …. എണീറ്റ് നിൽക്കാൻ കഴിയാതെ താഴേയ്ക്ക് വീഴാൻ പോയ ആദിത്യൻ തന്റെ വാൾ ഉയർത്തി തന്റെ നേരെ വന്ന ആത്രേയന്റെ വലതു കൈയ്യിലേയ്ക്ക് ആഞ്ഞ് വെട്ടി …..ആത്രേയന്റെ വലത് കൈ ഛേദിക്കപ്പെട്ട് ദൂരേയ്ക്ക് തെറിച്ച് പോയി ……