💞💞അവൾ രാജകുമാരി-13💞💞 [ ചെകുത്താനെ സ്നേഹിച്ച മാലാഖ ] 509

അവരുടെ നാഡീഞരമ്പിൽ
പ്രഹരിച്ച് അവരെ അബോധ അവസ്ഥയിലാക്കിയ ശേഷമാണ് അവളെ ഇവിടെ നിന്നും കൊണ്ടുപോയിരിക്കുന്നത് ….. കാവൽക്കാരിൽ ചിലർക്ക് ആക്രമണത്തിൽ ജീവൻ പോലും നഷ്ടമായിരിക്കുന്നു ….

അവളെ ആരോ ഇവിടെ നിന്ന് കൊണ്ട് പോയിരിക്കുന്നു … അതാരാണ് ….? പിതാവെ എനിക്ക് തോന്നുന്നു അവൻ ആ സൂര്യകുലത്തിൽ പിറന്നവനാണ് ഇത് ചെയ്തതെന്ന് … അവനാണ് അവളെ ഇവിടെ നിന്നും കൊണ്ട് പോയതെന്ന് . ”

അഗ്നി മിത്രൻ ഒറ്റ ശ്വാസത്തിൽ തന്റെ പിതാവിനോട് കാര്യങ്ങൾ അവതരിപ്പിച്ചു ….
ഇത് കേട്ട ആത്രേയൻ ഒരു ഞെട്ടലോടെ ആലോചനയിൽ മുഴുകി ….

” അല്ല …. പുത്രാ …. ഇപ്പോൾ അവൻ ഇങ്ങനെ ഒരു സാഹസം ചെയ്യില്ല . കാരണം അവന് ചെയ്ത് തീർക്കാൻ ഒരു കടമ കൂടി ബാക്കിയാണ് . എനിക്ക് ഇപ്പോൾ പലതും മനസ്സിലാകുന്നു പുത്രാ….. നമ്മൾ അവസാനിച്ചു എന്ന് കരുതുന്നത് പലതും അവസാനമല്ലായിരുന്നു , അത് വെറും ആരംഭം മാത്രമാണ് ….

സംഭവിച്ച കാര്യങ്ങൾ നിസ്സാരം എന്ന് കരുതി , പക്ഷെ പലതിന്റെയും ശക്തിയുടെ ഗൗരവത്തെ കുറിച്ച് ഞാൻ ഓർത്തില്ല . ഇനി നമ്മുടെ മുന്നിൽ രണ്ട് വഴികളെ ഉള്ളൂ …. ഒന്നുകിൽ സ്വയം എല്ലാത്തിൽ നിന്നും ഒളിച്ചോടുക അല്ലെങ്കിൽ അവസരം കാത്ത് നിന്ന് എന്ത് വില കൊടുത്തും ആഗ്രഹിച്ചത് കൈക്കലാക്കുക …..

ഒളിച്ചോട്ടം അത് ഈ അഗ്നിമിത്രൻ ചെയ്യില്ല …. അതിനെക്കാൾ നല്ലത് മരണമാണ് …. പുത്രാ ഇപ്പോൾ അവസരത്തിനൊത്ത് പ്രവർത്തിക്കേണ്ട സാഹചര്യമാണ് …. നമ്മുടെ യോദ്ധാക്കളിൽ അഗ്രകണ്യരായ ആ മൂന്ന് പേരെയും ഒപ്പം കൂട്ടിക്കൊള്ളു …… പിന്നെ നമ്മൾ രണ്ട് പേരും …….. ………മ് ………..
വേഗം യാത്ര തിരിക്കണം …. ഈ കാര്യം മറ്റാരും അറിയരുത് …… ”