??അവൾ രാജകുമാരി-13?? [ ചെകുത്താനെ സ്നേഹിച്ച മാലാഖ ] 509

കാലാസുരൻ തന്റെ പോരാളികളോട് പറഞ്ഞ ശേഷം തിരിച്ച് ഹോമകുണ്ഡത്തിന്റെയടുത്തേയ്ക്ക് നടന്നു ….. ഹോമകുണ്ഡത്തിന്റെ മുന്നിൽ അയാൾ ഇരുന്ന ശേഷം ആ വാൾ നിലത്ത് വച്ചു എന്നിട്ട് കണ്ണുകളടച്ച് അയാൾ മന്ത്രങ്ങൾ ഉരുവിടാൻ തുടങ്ങി .

കാലാസുരൻ പറഞ്ഞ വാക്കുകൾ കേട്ട് ആദിത്യൻ മനസ്സും ശരീരവും മരവിച്ച അവസ്ഥയിൽ നിലത്ത് മുട്ടുകുത്തി ഇരുന്നു …. അവന്റെ കണ്ണുകളിൽ നിന്ന് അശ്രുകണങ്ങൾ ഭൂമിയിലേയ്ക്ക് പൊഴിഞ്ഞ് വീണു , നിലത്ത് ബോധമറ്റ് കിടക്കുന്ന അവന്തികയെ തന്നെ അവൻ നോക്കിയിരുന്നു ….

……….

കറുത്ത വസ്ത്രം ധരിച്ച കാലാസുരന്റെ ആ അഞ്ച് പോരാളികളും അവന്തികയുടെ അടുത്ത് നിന്ന് ആദിത്യന്റെ അടുത്തേയ്ക്ക് നീങ്ങി ….. ആദിത്യൻ ഒരു ആയുധവും കയ്യിലില്ലാതെ അപ്പോഴും തന്റെ പ്രണയിനിയെ തന്നെ നോക്കി നിസ്സഹായ ഭാവത്തിൽ നിലത്ത് മുട്ടുകുത്തിയിരിക്കുകയായിരുന്നു …

അവന്തികയുടെ കഴുത്തിന് നേരെ കത്തി ചൂണ്ടിയ ആ കറുത്ത വസ്ത്രം ധരിച്ചവൻ ആദിത്യന്റെ പുറകിലായി വന്ന് നിന്ന ശേഷം ആ കത്തി അവന്റെ കഴുത്തിന് നേരെ പിടിച്ചു .

” ഇവനെ പെട്ടെന്ന് കൊല്ലാനല്ല പറഞ്ഞത് ….. കൊല്ലാതെ കൊല്ലാൻ …. അവസാനം അൽപം പ്രാണൻ മാത്രം ഇവന്റെ ശരീരത്തിൽ …. ശേഷിപ്പിച്ചാൽ മതി . ”

മറ്റൊരുവൻ അത് പറഞ്ഞതും ആദിത്യന്റെ കഴുത്തിന് നേരെ പിടിച്ച കത്തി ഒന്നാമൻ മാറ്റി .